ADTL REALIZA EXPO DAHULUK BA SENTRU FORMASAUN 12

Dili-12/08/2024-Média Defisiensia, Asosiasaun Defisiensia Timor-Leste realiza, expozisaun ba sentru formasaun 12 ne’ebé durante ne’e fó formasaun inkluzivu ba ema hotu.

Tuir Diretór Ezekutivu ADTL Cesario da Silva hatete, organizasaun defisiensia ba dahuluk foin realiza atividade expo, hodi fó oportunidade ba EhD bele partisipa iha sentru formasaun.

“Programa ne’e  termu organizasaun defisiénsia priemeira véz halo atividade expo ne’e hetan apoiu husi guvenu Australia liuhusi APTC, hau hanoin prinsipiu joven no ema ho defisiénsia iha limitasaun barak liu-liu asesu ba sentru formasaun, no asesu ba rekursu umanu asesu hot-hotu liu husi aseblidade fisiku iha ema defisiénsia fisiku iha limitasaun barak  menus oportunidade, maibé dezafiu mak ba foin sa’e EhD”, Dehan Diretor ADTL iha Jardin 5de Maio, 09/08.

Hatutan Diretór ADTL, servisu hamutuk ho APTC hodi introdus programa sira kona-ba ema ho defisiensia atu servisu hamutuk ho sentru formasaun 12, hodi kapasita joven no EhD liuhusi formasaun sira.

“Ohin iha prezensa iha sentru formasaun hamutuk sanulu resin rua  nebe mak ohin marka prezensa iha ne’e tanba sira agora hahu atu involve maluk defisiensia sira, hau hanoin sentru formasaun balu mós melora ona sira nia kondisaun, atu bele simu ema ho defisiensia iha sentru formasaun laharee ba ema nia kondisaun, maibé sira haree ba abilidade ho sitrusasaun ne’e hakarak halo atividade ne’e liu sentru formasaun sira, hodi demostra saida mak ita bo’ot sira iha no área ita bo’ot sira hanoin ema ho defisiensia bele hola parte, hau hanoin situasaun importante ne’e di’ak tebes ba ita atu involve EhD iha prosesu formasaun  sira atu ema hotu bele halo servisu ba nia aan rasik, no ita apresia Timor Plaza sai ezemplu di’ak. Hau dezafia sentru treinamentu sanulu resin rua ne’ebé  iha,  tenke hatudu formasaun di’ak ba ema ho defisiensia sira no iha kompetisaun ne’e envolve  EhD sira ne’ebé tuir formasaun iha ita bo’ot sira nia sentru”, Subliña Diretor.

Iha fatin hanesan Representante Embaixadór Australia iha Timor-Leste Ed Wilkinson afirma, atividade ne’e di’ak tebes hodi fó oportunidade ba maluk defisiensia sira, hodi aumenta kapasidade liuhusi sentru formasaun sira.

“Eventu ne’e hanesan inisiativa di'ak tebes, hodi fó tulun no asegura katak ema hotu asesu ba servisu no treinamentu ba maluk sira ho desabilidade bele aumenta sira nia kapasidade ,partikualmente kontente tebes marka prezensa iha ne’e, tanbá asuntu sira ne'ebe mak relasiona ho bareira ka difikulidade oioin ne'ebe mak prevene maluk sira ho desablidade atu hetan asesu ba edukasaun, servisu sira, no oportunidade ekonomia sai hanesan prioridade ba governu Australia”,Tenik Rep. Embaixadór Australia .

Entretantu programa dezenvolve mentu sira iha Timor-Leste atu oferese oportunidade ne’ebé utuan ba  maluk sira ho desablidade, hodi bele  partisipa mós hanesan ema seluk. Governu Australia ho kontente tebes  hanesan Timor -Leste nia parseiru, hodi dezenvolve seitor ne’ebé inklusivu, no apoiu expozisaun ne’e, liuhusi Australia ba ita bo’ot sira ne’ebé mak marka prezensa iha expozisaun ne’e.

Jornalista : Geraldino & Anjelmo

Editor : Média RKDTL