V-PM NO PKFP FÓ POSE BA PREZIDENTE NO KARGU SEFIA FOUN APC

 

Dili-22/07/2024-Media Defisiensia, Vise Primeiru Ministru no Ministru Koordenadór Ekonomia no Ministru Turismu Ambiente hamutuk Prezidente Komisaun Funsaun Publika no Ministru Interior fó pose ba Prezidente no Kargu diresaun sefia foun Autoridade Protesaun Sivil nian, hodi servi povu no estadu ho resposabilidsade.

Tuir Vise PM no MKE no Ministru Turismu Ambiente Francisco Kalbuadi Lay hatete, husu ba Prezidente autoridade foun atu servisu hamutuk ho ekipa ne’ebé ohin simu pose, pronto atu servisu 24 oras hodi haree dezastre sira ne’ebé mosu iha sosiedade nia leet no iha Timor-Leste, ita hotu no governu nia apoiu APC nia servisu maske todan maibé sei la’o ho di’ak iha nasaun ida ne’e.

“Prezidente autoridade ho ekipa tomak servisu hamutuk ho komandante lubuk ida ita boot sira nia servisu hanesan juramnetu ohin ne’e ita boot sira tenke prontu iha 24 oras nia laran, hodi haree ba dezastre tanba ne’e ita hotu konsiente katak ne’e servisu todan maibé todan ne’ebé mak iha labele haluhan atu servisu hamutu, presensa ami nian atu apoiu ita boot sira no governu sei apoiu nafatin servisu APC nian bele la’o ho di’ak. Hau fiar katak ita boot sira hotu bele hala’o servisu ho di’ak, hodi servi nasaun no povu sira hotu”, Akresenta VPM iha Salaun Delta Nova, 19/07.

Iha fatin hanesan Ministro Interior Francisco da Costa Guterres afirma, husu ba kargu foun no funsionariu sira hala’o knar ho di’ak no responsabilidade, hodi seri povu no estadu ida ne’e liuhusi servisu protesaun sivil ho efektivu no efikas ba sosiedade hotu.

“Husu ba ita boot sira ne’ebé foin simu pose no funsionariu toma iha apc hodi hala’o imi nia knar ho diak no profisional hodi nune’e imi bele servi povu no estadu ida ne’e ho diak, serimonia ne’e hanesan momentu importante ba prosesu re-estruturasaun no konsolidasaun iha APC, nune’e bele hala’o nia servisu efektivu no efikas iha sistema integradu nasional, hodi servi povu no nasaun ida ne’e. Simu pose laos oprtunidade maibé hanesan dever ida ne’ebé estadu fó mai ita atu servi povu ho profisionalismu no disiplina no kumpri regras sira, atu bele hala’o servisu ho di’ak ita boot sira mós eskoilidu, hodi servi nasaun no rai ida ne’e tanba ne’e dedikasaun ne’ebé ita boot sira fó tenke fó ho laran ba povu ne’ebé sente terus hodi bele sente kaman”, Salienta MI.

Prezidente Komisaun Funsaun Publika Agustino Letêncio de Deus, fó parabens ba Prezidente no Kargu Diresaun Sefia foun APC, marka asaun signifikativu no espetativa ba kargu foun sira atu servisu ho di’ak, hodi kontribui ba prosesu dezenvolviumentu TL nian.

“Ohin marka asaun signifikativu ida iha ita hotu nia kareira no momentu importante ida ne’ebé hatudu katak, husi protesaun sivil no bombeirus iha ona autoridade hamutuk ho sira ne’ebé uluk hala’o ona servisu sira ho di’ak. Ami nia espetativa ba ita boot sira bele lori mós enerjia, vizaun no lideransa foun iha ita boot sira nia servisu, hodi hala’o papél ho responsabilidade ba seguransa publika atu responde ba krizi no emerjensia, tanba dezastre sempre kontinua iha ho ita boot sira nia dedikasaun no kualidade nafatin, hodi fó resposta ba dezastre no dezafiu ne’ebé mak iha”, Tenik FP.

Entretantu, husu ba kargu sefia foun sira, prontu atu dentru fulan neen ne’e bele hatudu mudansas lori inisiativa foun ba iha kadernizasaun, bainhira fulan neen tenke hatudu asaun foun iha servisu sira hotu liuliu tau matan ba dezastre sira ne’ebé akontese iha Timor-Leste. Iha seremonia tomada pose ba prezidente no kargu diresaun sefia foun APC nian partisipa husi, Membru governu balun, Ministeriu, Deputadu no Familia sira.

Jornalista : Geraldino Magno

Editor : Média RKDTL