REPRESENTANTE NASIONAL UNICEF IHA TIMOR-LESTE HASORU MALU HO PR

 

Dili-23/07/2024-Media Defisiensia, Representante Nasionál UNICEF iha Timor-Leste hasoru malu ho Prezidente Republika Demokratika Timor-Leste, hodi koalia kona-ba programa sira ne’ebé UNICEF iha, hodi implementa iha Timor-Leste.

Tuir Representante Nasional UNICEF iha Timor-Leste Patrizia DiGiovanni hatete, hasoru malu ho PR, hodi diskuti kona-ba programa saude labarik sira nian, edukasaun no dezenvolvimentu iha rai-laran, nune’e  bele hasa’e kualidade labarik sira nian.

“Ohin hasoru Sua Exelensia Prezidente Republika ida ne’e liu-liu kona-ba setisaun labarik sira ne’ebé iha Timor-Leste koalia kona-ba ma-nutrisaun koalia kona-ba rais-badak, dezenvolvimentu ba labarik idade infantil no edukasaun. Koalia mós kona-ba foin-sa’e sira nia asuntu PR prontu fó apoiu ba asuntu ida ne’e. Ami nia misaun iha Timor-Leste prontu, atu fó apoiu ba ita nia governu Timor-Leste liu-liu kona-ba asuntu sira ne’ebé relasiona ho labarik sira”, Dehan Representante UNICEF iha Palasiu Prezidente Aitarak-Laran, 23/07.

Representante UNICEF hatutan prontu apoiu orsamentu naton ba programa sira ne’ebé UNICEF iha, hodi realiza iha tempu badak ba komunidade liuliu kapasita labarik sira iha área saude no edukasaun.

“Apoiu ne’ebé UNICEF prontu atu fó apoiu hanesan tekniku balun no fó tekniku finansial ne’ebé mak kikoan la’os  bo’ot, apoiu tekniku laos dehan entermos IT oinsá atu eleva  kapasidade ema sira ne’ebé iha, ita rekoñese katak buat barak  mak akontese iha Timor-Leste”, Tenik Patrizia.

Entretantu, UNICEF mós iha nia planu anual sira ne’ebé asina hamutuk ho Governu Timor-Leste, enkotru ne’e mós atu introdus Representante UNICEF foun Patrizia DiGiovanni ba exelensia Prezidente atu hatene hodi hametin relasaun, hodi haree ba apoiu sira ne’ebé iha hodi suporta Governu  Timor-Leste iha futuru.

Jornalista : Anjelmo Matins

Editor : Média RKDTL