Dili-23/07/2024-Media Defisiensia,
Prezidente Republika Demokratika Timor-Leste liuhusi nia Unidade Servisu
Sosiedade Sivíl no Asuntu Sosiál vizita familia Paulo Gomes Moris ho Kondisaun
Defisiénsia durante tinan barak ona.
Xefe
Estadu José Ramos-Horta liuhusi Unidade SSSAS vizita ne’e hanesan polítika
Prezidente Repúblika nian ho espíritu pertense sosiàl, nune’e hatutan governu
nia servisu atu reduz pobreza iha
Timor-Leste.
“Objetivu
hala’o vizita ba família vulneravel Paulo Gomes ne’ebé moris ho kondisaun
difisiénsia durante tinan barak iha uma baraka ida, iha Suku Lação, postu
administrativu Atsabe, munisipiu Ermera hodi redus mal nutrisaun no pobreza iha
rai-laran”, Dehan PR iha Lação, Atsabe 22/07.
Iha fatin hanesan Xefe suku eleitu iha suku
Lação, Abrão da Conceição ne’ebé
akompaña no observa direta ba família ne’e nia moris, nune’e nia konvida
Xefe Estadu liu husi unidade Servisu Sosiedade Sivíl no Asuntu Sosiál hodi bele
haree direta.
“Ha’u
hanesan xefe suku eleitu, antes ha’u sei komunidade babain prekupa tebes moris
Família ida ne’e nian, tanba ha’u mós mai husi família ne’ebé simples no ha’u
haree katak família ne’e vulneravel tebes no laiha ema ruma ne’ebé tau matan,
hafoin ha’u kandidata-aan tau lós prioridade ba katuas ne’e ho nia família”,
Afirma Xefe Suku Abrão.
Entretantu
Xefe suku ne’e mós apresenta problema balun husi família vulneravel ne’e, tanba
hela iha uma baraka no lakon dokumentu família nian, nune’e difikulta sira atu
bele halo registu iha notariadu, maibé autoridade ne’e fasilita no trata ona
sira-nia dokumentu hotu atu bele hetan subsidiu ka apoiu ruma husi Governu.
Iha
oportunidade ne’e, xefe suku husu mós apoiu ruma husi prezidénsia Repúblika atu
bele halo uma mahon ida ba sira liu-liu tau matan mós ba oan nain neen (6) ne’ebé tinan barak lahetan asesu
edukasaun ba sira-nia futuru.
Jornalista : Anjelmo Martins
Editor : Média RKDTL
0 Comments