Dili-25/07/2024-Media
Defisiensia, Cooperativa Creditu de Deficiente
Timor-Leste, realiza diskusaun annual ba dala tolu ho tema “ liuhusi
kooperativa CCD-TL hasa’e membru nia partisipasaun iha formasaun jestaun
finansas ho kontabilidade, hodi hakbiit
sira nia ekonomia liuhusi inkluzaun sosial.
Tuir Konsellu Diretiva
CCD-TL Evaresto Daconceção hatete, objetivu enkontru anual ne’e sai parte
importante ba membru kooperativa sira hodi haree estatutu kooperativa nian no
hadia kondisaun kooperativa nian no koalia mós kona-ba jestaun kontabilidade ba
membru foun no tuan.
“Enkontru annual ida
ne’e atu hadia ami nia estatutu koperativa,
iha formasaun jestaun kontablidade ba memru tuan no foun sira termus ida
ne’e mos ami bele kontinua hadia kondisaun koperativa nian. objetivu koperativa
ne’e oinsá membru koperativa bele iha jestaun rasik ba orsamentu nebe mak sei
kredit husi koperativa, tenke jestaun rasik koperativa ita badinas kredit ita
nia membrus sira mos iha koinesementu ne’ebé mak naton sira bele kuidadu sira
nia orsamentu rasik”, Dehan Evaresto iha Salaun MTK, Kaikoli, 24/07.
Konsellu Diretiva
CCD-TL hatutan, orsamentu ne’ebé membru sira fó ba ema foti 200 dolar ba ema
ida, no la haree ba kondisaun importante sira bele hetan fali nia rezultadu ho
di’ak, total membru hamutuk 587.
“Ami nia orsamentu fó
ba membru ida-idak tuir nia estatutu no la haree katak nia ki’ik ka bo’ot
laharee nia kondisaun defisiensia ka la defisiensia, tuir ema nia politika ne’ebé
mak ami implementa 200 dolar ne’e ba ema hot-hotu. Ita nia orsamentu ne’ebé ho
funan ki’ik liu ho 2%, ami nia membru ema ho
defisiensia ne’ebé asesu ona ba kredit hamutuk 200 resin, mak asesu ba
kreditu, hodi bele harii keos, uma, balu bele hola motor no balu bele selu ba
eskola rasik iha UNTL no instituisaun seluk, ita nia total membru hamutuk 587”,
Afirma Evaresto
Iha fatin hanesan
Representante Secoop Leovogildo Belarmino afirma, parabens ba membru
kooperativa sira hotu nia inisiativa kria grupu kooperativu di’ak tebes, IX
govenu nia planu kontinua apoiu ba kooperativa sira ne’ebé eziste ona iha
oitavu governu nia too ohin loron
nafatin la’o, hodi fó kreditu ba ema hotu la haree ba kondisaun.
“Parabens ba membru
kooperativa sira hotu nia inisiativu rasik, IX Governu konstituisional liu-liu
ba Sekretariu Estadu Kooperativa ne’e hanesan governu kontinuasaun husi governu
anterior liu-liu oitavu governu nian, ita nia konstituisaun RDTL artigu 138
ne’e koalia kona-ba ekonomia iha Timor-Leste, ita iha ona sekretariu
estadu kooperativa, ne’ebé bele lidera reguladór
ba iha kooperativa movimentu sektor kooperativa hot-hotu iha rai-laran, governu nia papel bo’ot nudar reguladór
hanesan mós fasilitadór liu-liu oinsá atu fasilita movimentu kooperativa sira
hotu iha Timor-Laran tomak liuhusi formasaun oioin atu eleva kapasidade sira no
halo instituisaun di’ak ba ida-idak nia kooperativa rasik, ita ho akompanñamentu
husi Secoop nian ne’e hanesan papel ida ne’ebé importante atu akompanña nafatin
kooperativa sira iha rai-laran”, Subliña
Joaquin Freita hanesan
Prezidente CCD-TL dehan, sira kontente no agradese ba ADTL nafatin hamriik,
hodi halo advokasia ba EHD, liuhusi ADTL mak kria kooperativa ida ne’ebé agora
dadaun la’o hela hodi fó moris ba ema hotu inklui ema ho defisiensia sira mós
sente benefisiu husi grupu koopertiva ne’e.
“Hau kontente tanba
ADTL agora nafatin eziste, hodi halo nia funsaun halo advokasia direitu ema ho
defisiensia nian, iha Timor-Leste CCD-TL ne’e mai husi ADTL nia esforsu mosu husi
asosiasaun defisiensia Timor-Leste nian esforsu fundadór ne’e la’os hau mesak
de’it maibé hamutuk ho kolega sira hot-hotu hodi harii CCD-TL”, Tenik Joaquin.
Entretantu, enkoraza ba
membru sira hotu servisu hamutuk atu lori CCD-TL ne’e sai di’ak aprende hamutuk
kooperativa sira seluk eziste sai hanesan aprendisazem ida, fiar katak CCD-TL
sei lamate sei ba oin nafatin ita buka solusaun hamutuk, hodi fó benefisiu ba
maluk defisiensia sira kredit ba selu ida ne’e
harii husi ita bo’ot sira, maibé difrente makas liu-liu ita nia ema
defisiensia sira ita garente katak ekonomia ita labele tane liman bei-beik ba
ema estadu seluk tenke esforsu aan, hodi kontinua kontribui fila fali ba estadu
ho ita nia resultadu servisu ne’ebé iha ita moris di’ak membru hotu moris diak
estadu ne’e mós diak. Ita nia kontituisaun RDTL hatudu katak pilar importante
tebes, hodi dezenvolve kooperativa, fiar metin kooperativa iha Timor-Leste ita bele
kontribui ba dezenvolvementu estadu Timor-Leste sai di’ak liu tan ba futuru.
Jornalista
: Anselmo & Geraldino
Editor:
Média RKDTL
0 Comments