Dili-25/07/2024-Média
Defisiensia, Prezidénsia Repúblika liuhusi Unidade
Servisu Sosiedade Sivil no Asuntu Sosiál (SSSAS) kontinua halo asaun Karidade
ba família vulnerável iha Suku Lação, Obulo no Laubono-Sirui, Postu
Administrativu Atsabe Munisípiu Ermera no haree sira nia kondisaun direta iha
fatin refere.
Tuir Autoridade Lokál,
Abrão da Conceição agradese ba Prezidente Repúblika liuhusi Unidade SSSAS bele
konsidera sira-nia pedidu, hodi tulun komunidade liu-liu família vulneravel
ne’ebé identifika iha suku refere.
“Obrigadu na’i
Prezidente Repúblika liu husi nia Unidade Servisu Sosiedade Sivil no Asuntu
Sosiál hdi fahe hahan ruma mai ami-nia komunidade atu sira bele aguenta ba loron
balun nian'', Dehan Unidade SSSAS iha Suku Lação, 23/07.
Xefe Suku Obulo
Arquemino da Silva representa komunidade sira hotu hato’o agradesimentu ba Xefe Estadu liuhusi
unidade SSSAS bele tulun ona komunidade kbi’it la’ek ne’ebé dalaruma susar
asesu ba merkadu tanba kondisaun estrada la-di’ak.
“Ami-nia kondisaun iha
Obolu ne’e hanesan Señor sira haree, ami iha kedas área rurál no susar asesu ba
Merkadu iha postu, liu-liu atu fa’an ami-nia produtu mós ladi’ak tanba
kondisaun dalan. Tan ne’e ami agradese no ami hein katak ba oin sei apoiu
nafatin, no husu ba PR atu apoiu tan material instrumentál balun hanesan
“Piano” atu sira bele uza ba anima atividade pastorál no animasaun iha suku nia
laran”, Afirma Xefe Suku Obulo Arquemino.
Entretantu, totál benefisiariu
ne’ebé mai simu apoiu PR hamutuk 46 mai
husi Aldeia-3 hanesan Biabote, Purugua no Sirui, no Komunidade husi Suku
Laubuno hamutuk 190 resin. Tanba ne’e komunidade sira husu ba parte relevante
sira atu hadia Estrada, Asesibilidade no Eletrisidade tanba aldeia balun sedauk
asesu ba eletrisidade to’o agora.
Jornalista
: Anjelmo Martins
Editor
: Média RKDTL
0 Comments