Dili-04/07/2024-Média Defisiensia, Asosiasaun Defisiensia Timor-Leste hamutuk ho membru governu balun, ajensia internasional no organizasaun EhD iha Timor-Leste, komemora loron nasional ba ema ho defisiensia 4 Jullu tinan ne’e.
“Objetivu
selebrasaun loron nasional ba EHD ba dala rua ne’ebé governu dekreta katak,
loron ne’e importante ba ema ho defisiensia iha Timor-Leste no atividade ne’e ami
hala’o iha nivel nasional sedauk kobre to’o nivel munisipiu, tanba haree husi
parte ADTL ho membru sira iha forsa no kbiit ne’ebé bele organiza ba
selebrasaun ne’e iha nasional. Ami fiar katak maluk defisiensia sira iha Dili
kuaze organizasaun sira EhD eziste, hodi mobiliza maluk Defisiensia hodi mai partisipa
iha atividade ne’e”, Dehan Organizadór Martinho iha Palasiu Prezidente, 04/07.
Salienta
tan Prezidente Organizadór katak, atividade hetan apoiu husi ADTL nia parseiru
sira ho orsamentu ne’ebé naton hodi realiza eventu ne’e refere, maibé husi parte
governu prezidente organizadór sedauk hatene sira nia apoiu.
“Atividade
ne’e ADTL hetan apoiu husi doadór sira hanesan ajensia internasional sira mak tulun,
hodi organiza ba eventu ne’e ho orsamentu ne’ebé naton, nune’e bele akumula ema
kinintus i tal ba eventu ne’e, husi
parte governu ami sedauk rona orsamentu hira mak sira apoiu ba atividade, tanba
ne’e ADTL ho membru sira organiza mesak eventu refere ho fundus ne’ebé ADTL
hetan husi parseiru sira”, Afirma Prezidente Organizadór.
Iha
fatin hanesan Representante Sekretaria Estadu Igualdade Ramania Eujebia S. de
Lima dehan fó apresiasaun ba ADTL, tanba bele organiza ona atividade ne’e hodi
hatudu ba maluk sira hotu katak EhD nafatin hamrik, hodi luta no defende lia
loos hodi fanu nafatin ita nia nai-ulu sira hodi tau matan ba servisu sira
ne’ebé sedauk halo, no atinji tuir ema ho defisiensia nia hakarak.
“Agradese
ba ADTL nia servisu tomak hodi hamrik nafatin iha liña frente hodi defende lia
loos no fanu nafatin ukun na’in sira atu haree ba buat ne’ebé sedauk halo ka
atinji, atu hatan ba difikuldade EhD hasoru agora governu hamosu ona lei
politika, hodi protese EhD nia diretu iha konstituisaun RDTL bandu
deskriminasaun, bazeia ba fizika no mental. Planu nasional ba ema ho
defisiensia no komprimisiu nasional governu Timor-Leste nian, inklui
dezenvolvimentu sustentabel ne’ebé integra ona asuntu defisiensia nu’udar asaun
importante no promove ema hotu la husik ema ida iha kotuk,”, Salienta
Representante SEI Ramania
Afirma
Representante SEI katak husu ba parte hotu atu luta hasoru deskriminasaun no
estigmasaun ne’ebé durante ne’e, EhD hasoru mai ita hamutu hodi halakon
deskrimisaun ba EhD ema hotu iha direitu no oportunidade hanesan.
“Ami
husu ita hotu nia atensaun luta hasoru deskriminasaun no estigmasaun hasoru EHD
iha familia no komunidade no iha instituisaun estadu sira ho asaun ida ne’e
bele transforma sosiedade ne’ebé justu, inkluzivu no promove igualdade jeneru iha
komunidade nia laran, hodi hametin kolaborasaun hamutuk sei halakon bareira
ne’ebé ema ho defisiensia hasoru iha familia komunidade no sosiedade nia laran
presiza asaun hahu agora”, Enkoraja Ramania.
Partisipante
Americo da Conseção Araújo afirma sente kontente ho komemorasaun loron mundial
ba EhD iha Timor-Leste, nune’e ho eventu ida ne’e sira bele hasoru malu no
espresa sira nia talentu liuhusi muzika, puzia no dansa kultura sira bele sente
sira iha oportunidade hanesan mós ema la ho defisiensia signifika katak ema
hotu Inkluzivu.
“Hau
nia sentimentu kontente utuan tanba
komemora loron mundial ba EHD, hau sente furak no halo ami bele sente
loron ne’e espesial ba ami hotu no dezafiu sira ami EHD hasoru ita sempre
hamutuk, hodi luta hasoru ba futuru bele sai inkluzivu ba ema hotu atu hetan
oportunidade hanesan”,Tenik Americo.
Iha
komemorasaun ne’e partisipa husi ajensia internasional, membru governu balun,
sosiedade sivil, juventude, estudante universitariu, estudante pre-sekundariu,
inan-aman no ema ho defisiensia sira, hodi hala’o marsa husi Largo Lesidere
to’o mai Palasiu Prezidente.
Jornalista
: Geraldino no Anjelmo
Editor
: Media RKDTL
0 Comments