Díli-22/07/2024-Media Defisiensia,
Ministeriu Solidaridade Sosial no Inkluzaun (MSSI), realiza serimónia
lansamentu Padraun Prosedimentu Operasional (PPO) jestaun kazu labarik no
jestaun koordenasaun hodi suporta vítima violênsia bazeia ba jéneru.
Tuir
MSSI Verónica das Dores, dehan lansamentu padraun rua ne'e importante tebes ba,
hodi suporta vitima violensia bazeia ba jeneru atu nune’e bele redus VBJ iha
timor-Leste iha futuru.
"Ohin
ita halo lansamentu kona-ba padraun rua neʼebé importante tebes, maibé foin
lalais ne'e ita mós halo ona lansamentu iha Ministério Solidariedade Sósial no
Inkluzaun, maibé ohin ne'e hanesan nia kontinuasaun. Iha sistema dezitalizasaun
no jestaun kazu neʼebé mak ohin UNICEF, fó sai katak, sistema ne'e iha primeira
vez modelu iha Ásia Pasifiku, mak ita implementa fali iha Timor-Leste. UNICEF
mós fó apoiu computador ba MSSI no sei iha sistema dizitalizasaun atu nune'e
ema mós labele hatene se mak iha kazu refere, tanba dala-barak, vitima sira
tenki proteje iha fatin seguru, atu nune'e ema seluk labele hatene",
Afirma Ministra MSSI, iha salaun Novo Turismu Bidau Lecidere,18/07.
Iha
fatin hanesan Xefe Fundasaun Ásia iha Timor-leste Hector hateten, orgullun
tebes ba programa nabilan bele servisu hamutuk ho MSSI, hodi kontinua fó apoiu
no haforsa asistênsia ba feto no labaraik sira iha Timor- Leste.
"Orgullu
tebes bele servisu hamutuk ho MSSI hodi fó apoiu asistensia ba feto no labarik
sira, neʼebé hasoru violensia. Nu'udar programa Nabilan suporta no kolabora
nafatin hamutuk ho MSSI, hodi halo Padraun Prosedimentu Operasional (PPO)
Jestaun Kazu Labarik no Jestaun Koordenasaun hodi Suporta Vitima Violensia
Bazeia ba Jeneru. Iha atualizasaun ba padraun ne'e katak, husi konsultasaun ho
Parseiru xave, no halo atualizasaun ba pontu importante sira ne'ebé durante
ne'e fornese asistensia ba vítima. Iha atualizasaun ba padraun ne'e iha
termonolojia sira prinsipiu servisu atendimentu no etapa jestaun nian”, Dehan
Xefe TAF.
Xefe
TAF salienta padraun ne'e di'ak tebes ba fornesedór no servisu sosial sira
liu-liu ba pontu vogal sira no tekniku sosial nomos rede referal sira hotu atu
banati tuir, hodi asegura padraun jestaun sira hotu.
"Hakarak
atu esklaresa liu tán katak,padraun di'ak tebes ba fornesedor no servisu sosiál
,sira,liliu ba pontu vogál sira no tékniku sosiál nomós rede referál sira
hotu,atu banati tuir,atu nune'e hodi bele assegura padraun sira hotu.Haforsa
rede referál sira hotu no mós fó asistênsia ba vítima sira ho digno no
inklusiva espera katak padraun hirak ne'e sai dokumentu no bele sai padraun ida
ne'ebé di'ak". Katak nia.
Entretantu,
serimónia lansamentu hanesan mós atividade kontinusaun ne'ebé durante ne'e MSSI
halo, hodi fó apoiu ba vitima sira iha munisipiu 13 inklui RAEOA, serimónia ne’e
mós MSSI halo no distribuisaun livriñu PPO ba iha reprezentante ONG sira
hanesan, Alfela, Fokupers, Pradet, Casa Vida no Organizasaun Defisiensia
Timor-Leste.
Jornalista : Anjelmo Martins
Editor : Média RKDTL
0 Comments