Dili-17/04/2024-Media Defisiensia,
Centro Nasional Cega Institutu Públiku (CNC I.P), realiza atividade transmisaun
memoria interjerasaun ho estudante no joven sira ho tema, “Reforsa Parseria
Instituisional Hodi Promove Média Reparativa.
Diretor
CNC Hugo Maria Fernandes hatete, objetivu husi atividade ne’e atu halo
reflesaun ba tinan ne’e ho tema ne’ebé iha hamutuk ho parseiru sira, govenu,
sosiedade sivil, joventude no estudante hodi halo diskusaun hamutuk ba memoria
sira ne’ebé atinji ona no kria ona ba vitima no sobrevivente sira.
“Atividade
ohin ne’ebé hala’o ho intensaun hodi halo reflesaun ba tinan ida ne’e ho tema “Reforsa
Parseria Instituisional Hodi Promove Média Reparativa” sein parseiru ho pilar estadu nian, governu, sosiedade sivil,
tinan hitu CNC sedauk sente entaun tinan ne’e CNC hanoin katak ho parseiru sira,
hodi fó efeitu ne’ebé diak liu tan, liuhusi eventu sira ne’e hodi rona saida
mak ita halo liu ona”, Dehan Diretor Hugo, iha Salaun CNC Balide, 16/07.
Diretor
CNC hatutan, eventu ohin refleta importansia servisu CNC nian iha sektor tolu Preservasaun
memoria, liuhusi apresenta video, Edukasaun nomos Kontinuasaun apoiu vitima no sobrevivente
sira durate sira nia luta iha pasadu.
“Hahu inisiu CNC konsentra ba atividade boot hanesan preservasaun heroi, katak heroi ita nian presiza preserva hodi kuidadu didi’ak no fahe ba jerasaun foun sira, Segundu haree ba sektor edukasaun ita hotu fiar edukasaun hanesan dalan ida ba transforma sosiedade, tanba ne’e instituisaun memoria liuhusi sektor edukasaun importante atu harii identidade ida ita hetan husi istoria no memoria husi luta naruk no edukasaun importante hodi harii nasaun ida no Terseiru Kontinua fó apoiu vitima sira luta iha tempu pasadu”, Tenik Diretor CNC.
Entretantu
atividade ohin atu haree aspetu sira liuhusi apresentasaun video sira kona-ba
hatutan memoria liuhusi estudante sira halo entrevista direta ho vitima no
sobrevivente sira. Liuhusi video ne’e hatudu vitima sira nia sofrementu iha
tempu pasadu hodi espresa sai sira nia sofrementu, hodi hakmaan sira nia
sofrementu sira durante ne’e sira hasoru iha pasadu.
Jornalista : Geraldino Magno
Editor : Média RKDTL
0 Comments