Dili-15/07/2024-Media Defisiensia,
Autoridade Protesaun Sivil (APC), rejistu kazu tipu dezastre iha semana ne’e
hamutuk 25 ne'ebé akontese iha Munisipiu 8 ho tipu
dezastre diferente iha tinan ne’e.
Tuir
Portavoz APC Nelso Orleans Nunes hanesan Xefe Seksaun ba Relasaun Externa APC hatete,
dezastre ne'ebé akontese iha semana ne’e hahu husi loron 8 to’o 15 iha
Munisipiu Ualu protesaun sivil rejista ona
dezastre sira hanesan Anin sobu uma no Rai halai
“Hahu
loron 08 to’o 15 Fulan Jullu 2024, durante semana ne’e iha rejiaun Timor-Leste
normal no akontese kazu tipu dezastre ami rejistu hamutuk 25 mak hanesan anin
bo’ot no rai halai, uma ne’ebé hetan estragus 20 no ema afetadu 85 liuliu iha munisipiu
hanesan Aileu anin sobu uma ida, Bobonaro anin sobu uma rua, Baucau anin sobu
uma haat, Ermera anin sobu uma ida no rai halai sobu uma lima, Manatutu anin
sobu uma rua no rai halai sobu uma ida, Viqueque anin sobu uma lima, Liquisa
anin sobu uma tolu no RAEOA anin sobu uma ida”, Dehan Xefe Seksaun ba Relasaun
Externa Nelson iha APC Kaikoli, 15/07.
Salienta
tan Xefe Seksaun ba Relasaun Externa afirma, dadus ne’ebé durante ne’e APC halo
lebantamentu, hodi rekolla dadus dadaun ne’e parte protresaun sivil ho tekniku
sira sei halo analiza ba vitima sira ida ne’ebé hetan dezastre kategoria aat
naton, aat total no aat Kaman, nune’e bele fó apoiu tuir bazet ne’ebé iha.
“Dadus
sira ne’ebé apc halo lebantamentu ba dadus foti hela atu bele analiza katak,
dadus sira ne’e nia kategoria monu ba iha ne’ebé ho ida ne’e mak sei halo fali
identifikasaun ba iha munisipiu hotu katak vitima sira ne’ebé hetan afetadu ba
dezastre ne’e tama iha kategoria ne’ebé aat naton, aat total no aat Kaman. Tanba
ne’e sira nia bazet ka osan sira simu la hanesan, ami atu analiza fali vitima
sira ne’e tama ba kategoria ne’ebé, APC sei halo hela levantamentu dadus hafoin bele halo fali rekoperasaun ba sira
nia uma ida-ida iha munisipiu sira”, Tenik Portavos Nelson.
Entretantu
liu husi Komandu APC autoridade iha munisipiu ida-idak no parseiru relevante
sira fó ona asistensia emerjensia ba iha familia afetadu sira, tuir lei ne’ebé
iha, hodi hein prosesu indentifikasaun
ba estragus, hodi fó apoiu tuir kategoria sira ne’ebé iha.
Jornalista : Geraldino Magno
Editor : Média RKDTL
0 Comments