Dili-29/07/2024-Média Defisiensia,
Autoridade Protesaun Sivil (APC), rejistu kazu tipu dezastre iha semana ne’e
hamutuk 3 ne'ebé akontese iha Munisipiu 7 ho tipu
dezastre diferente.
Tuir
Diretór Gabinete Relasaun Externa no Komunikasaun APC, Cesario da Silva Marques
hatete, dezastre ne'ebé akontese iha semana ne’e, hahu husi loron 15 to’o 29 fulan
Jullu tinan ne’e iha Munisipiu lima mak protesaun sivil rejista tipu dezastre tolu ho numeru uma ne’ebé hetan
estragus 28 no uma kain 3 latama kategoria.
“Hahu loron 15-29 Fulan Jullu 2024, durante semana ne’e iha
rejiaun Timor-Leste normal no akontese kazu tipu dezastre ami rejistu hamutuk 3 hanesan anin bo’ot, ahi han no rai halai,
uma ne’ebé hetan estragus 28 no uma kain tolu latama kategoria, liuliu iha
munisipiu hanesan Bobonaro rai halai uma tolu, ahi han uma 2, Ermera anin sobu
uma tolu no rai halai uma 8, Manatuto
anin sobu uma ida no ahi han uma ida, Lautem anin sobu uma ida no RAEOA
anin sobu uma rua, rai halai sobu uma rua no ahi han uma rua, no semana ne’e
ami rejista ka rekolla iha CNOPC-APC dadus total ne’ebé ami hetan familia
afetadus hamutuk 147, maibe sira ne’ebé mak tama ba iha kategoria hetan estragus
uma kain 16 no uma kain latama iha kategoria 89 liuliu iha munisipiu hanesan
munisipiu Baucau anin sobu uma 9 no rai halai uma 1 no insedu urbanu ema na’in
5 no 1 kanek, Manufahi 1 mate no Lautem insendu urbanu 1”, Dehan GREK Cesario
iha Salaun APC, Kaikoli, 29/07.
Hatutan
GREK-APC, dezastre ne’ebé akontese iha munisipiu lima ne’e hetan apoiu
emerjensia husi komandu APC munisipiu sira, kona-ba nesesidade baziku sira no
ai-han, nune’e mós APC kontinua halo assesmentu no verifikasaun ba estragus
sira.
“Komandu
APC munisipiu sira ho parseiru relevante sira fornese asistensia emerjensia ba
familia afetadus sira, hanesan ai-han no laos ai-han ou food item & Non-food item, no komandu protesaun sivil munisipiu
sira kontinua halo levantamentu detallus, kona-ba sasan ne’ebé estragus no lakon”,
Afirma GREK-APC.
Entretantu,
liu husi Komandu APC autoridade iha munisipiu ida-idak no parseiru relevante
sira fó ona asistensia emerjensia ba iha familia afetadu sira, maibé sira tenke
hetan bazeia ba lei ne’ebé iha, hodi hein prosesu indentifikasaun ba estragus, hodi fó apoiu
tuir kategoria sira ne’ebé iha.
Jornalista : Geraldino Magno
Editor: Média RKDTL
0 Comments