CARE FASILITA FORMASAUN BA ESTUDANTE FINALISTA DDC NO ICS, UNTL

 

Dili-30/07/2024-Média Defisiensia, Care hanesan Ajensia Internasional ida iha Timor-Leste hodi apoiu Governu TL iha área hanesan saude ba labarik, no edukasaun inklui apoiu komunidade vunerabilidade sira iha área rural  sira liu-liu ema ho Defisiennsia. Tanba ne’e Care liu husi porograma Hatutan, Parseria ho Universidade Nasional Timor Lorosa’e (UNTL) liu husi Fakuldade Siénsias Sosiais nia Departamentu rua Dezenvolvimentu Comunitaria no Inclusão Comunitariu Social, hodi fasilita formasaun ba estudante sira kona-ba “Implementasaun Projetu Profisionál Traballu Kampu ne’ebé sei hala’o iha Regiaun Espesiál Oecuse Ambeno, koloka ba iha postu rua hanesan Pasabe no Nitibe.

Ba jornalista Média Defisiensia Diretur DC Doutor Zacarias F. da Costa hatete, liu husi formasaun ne’e bele eleva estudante finalista sira liu husi material sira ne’ebé aprende ona husi eskola no mos formasaun ne’ebé Care Internasional  fó, hodi implementa prátika diretamente ba iha Suku rua Nitibe ho Pasabe.

“Programa hatutan ita foku liu ba material ne’ebé mak kolega sira sei aprende, maibé maluk sira husi Care liu husi departamentu Hatutan ne’ebé ohin ita hamutuk iha ne’e, karik prátika mak barak liu, oinsá mak kolega sira prátika iha sosiedade iha komunidade ne’ebé ita boot sira desloka ba iha suku sira ne’ebé ita boot sira sei ba, tanba durante ne’e ita boot sira aprende ona sei ba implementa saida mak durnate ne’e ita boot sira aprende ona husi teoria sira iha eskola no formasaun ba loron hira ne’e”, Dehan Diretór iha abertura formasaun refere ba finalista sira iha UNTL, FCS iha Sala D22, 29/07.

Tuir reprezentante Care Internasional Clementino Brito hanesan Departamentu Hatutan Adjuntu ba programa informa, Care nia servisu hodi fó formasaun no tratamentu ba injustisa sira ne’ebé iha baze.

“Pontus importante ne’ebé Care halo sempre servisu hodi fó tratamentu ba injustisa ne’ebé akontese iha kampu hanesan ita nia Diretór Departamentu DC hatete ona lori sira nia hanoin, lori sira nia idea atu bele sai hanesan parte advokasia ida ba iha nivel nasionál, hodi bele haree katak sira nia moris iha areas remotas hanesan ho nivel nasionál ne’e ka lae,” Informa Adjuntu Programa hatutan Care.

Enkuantu liu husi formasaun ne’ebé abertura iha loron dahuluk kona-ba “ Asedu Seksuál, Esploitasaun, Abuzu Seksauál, Abuzu ba Labarik sira, no formasaun refere sei realiza durante  loron 3. Formasaun ne’e ho nia objetivu oinsa bele halo sensibilizasaun iha implementasaun projetu profisionál traballu kampu iha tinan akademíku 2024, no total estudante finalista husi Departamentu rua ne'e hamutuk 45 mak sei desloka ba fatin ne'ebe mak deside ona iha 07 fulan agostu tinan ne'e.  Alende ne’e loke mós abertura husi Dekano Fakuldade   Alarico da Costa Ximenes ba formasaun refere.

Jornalista                   : Alexandre

Editór                         : Média RKDTL