SEATOU SOBU UMA IDA OKUPA ESPASU PÚBLIKU IHA BIDAU

 

Dili-11/06/2024-Media Defisiensia, Sekretariu Estadu Asuntu Toponímia no Organizasaun Urbana ne’ebé koiñesidu ho naran SEATOU, kontinua ho ekipa konjuntu sobu uma ida ne’ebé konstrui husi kompaña Viku Konstruktion ne’ebé okupa espasu públiku iha Bidau Lesidere.

Tuir SEATOU Germano Santa Brites Dias hatete,  loron 15 fulan Maiu fó hatene ba kompaña fatin ne’e sempre halo selebrasaun ba loron boot sira iha fatin ne’e liuliu Nossa Senhora nia loron. Tanba ne'e halo konstrusaun labele taka netik trotoar leten, hodi difikulta movimentu ema nian, iha loron 15 no 20 fulan Maiu fó ona notifikasaun kedas, maibė kompañia la koopera, no komunidade barak no sosiedade sivil sira halo kritika makas ohin ekipa konjuta tun hodi sobu.

“Iha loron 15 fulan Maio fó hatene kompañia hodi uza sira nia mákina sobu kalen no iha momentu ne'e fó hatene ba sira frog kuandu kalen ne'e sai ona server ka Ahi nia fatin ne'e muda ba laran, nune'e espasu públiku ema bele asesu ba mai, maibė sira la kopera nafatin tanba iha semana ida nia laran jeradór nia fatin semper hetan kritika ko'alia makas husi sosieadade sivil liliu komunidade Dili laran kestiona hotu tanba ema la'o la di'ak, ohin ha'u husu ba obras públiku atu hatene desizaun sé mak hasai desizaun hodi taka trotoar leten, no MOP nia karta mai ne'e la'os atu taka permanente, sira didin kalen atu salva konstrusaun iha laran, maibé sira taka hotu dalan, ohin ha'u mai haruka sobu hodi muda ba iha laran”, Dehan SEATOU iha Largo Lesidere, 11/06.

SEATOU hatutan hala’o servisu la haree ba se de’it no la haree ba konkordansia karta ruma, bainhira okupa espasu públiku la haree ba karta, tenke sobu tanba okupa trotoar leten halo komunidade sira movimentu la di’ak.

“Ami nia serviceu la haree ba kompañia ka se deit hodi halo konkordánsia ho ami, espasu públiku ne'e la haree ba sese de'it, atu Timor oan ka Estranjeiru mak halo servisu okupa espasu públiku, lei mak regula no ami sobu nafatin. Tanba ita nia komunidade sira faan etu iha Sidewalk leten kuandu ami hetan hartuka sira sees husi Sidewalk tanba sidewalk  ema uza ba la'o laos uza atu harii uma, hodi faan sasan no tau jeradór ne’e labele tanba espasu públiku. liliu sidewalk ho Valeta ne'e labele uza, ne'e husik livre ema atu halo movimentu ba mai”, Tenik SEATOU.

Entretantu, SEATOU husu ba sidadaun hotu iha timor laran tomak liliu iha sidade Dili sira neʼebé mak halo sira nia atividade iha espasu públiku liliu iha Sidewalk leten no okupa to'o valeta nia laran husu atu muda fatin no koopera ho governu antes SEATOU ba sobu, tanba ne'e apela ba maluk Timor oan, estranjeiru no se de'it lei ne'e ba ita hotu, ita hotu iha lei nia okos laiha ida mak iha lei nia leten tanba ne' e mak husu ba sidadaun hotu atu koopera ho estadu.

Jornalista : Geraldino Magno

Editor : Média RKDTL