DILI-12/06/
2024-Media Defisiensia, Ministru Negósiu Estranjeiru no
Kooperasaun enkontru ho Pesidente Republika Demokratika Timor-Leste husu presidente
no governu nia perspetiva relasiona ho planeia transforma resintu Pateo sai
bairu diplomata.
Tuir MNEK Bendito
Freitas hatete, Governu haree hela edifisiu sira iha resintu Pateo Colmera Dili,
atu taransforma sai Bairru Diplomata iha futuru hanesan rezidensia ba misaun
estranjeiru.
"Agora ita haree
hela situasaun infrastrutura rai laran nian, Prezidente Repúblika rasik mak
husu oinsa atu kria Bairro Diplomata, entaun husi Prezidente nia hanoin ne'e
relasiona uitoan ba edifisiu ne'ebé Pateo halo hela ne'e posibilidade ba futuru
Governu bele aluga ou bele mós sosa kotu husi Pateo atu nune'e bele sai hanesan
rezidensia ba misaun estranjeiru sira bele sai ona hanesan Bairru Diplomata,
bele hatama ona rendimentu mai ita”, Dehan MNEK Bendito iha Palásiu
Prezidensiál, 12/06.
Ministru Negosiu ne’e
afirma, Governu mós hasoru difikuldade kona-ba rai, maibé nafatin esforsu
nune'e bele buka fatin ne'ebé di'ak hodi oferese ba nasaun amigu sira, hodi
harii Embaixada tanba kooperasaun Timor-Leste ho nasaun amigu sir aba oin hodi
kria dezenvolvimentu iha rai-laran.
“Governu mós hasoru
difikuldade kona-ba rai, maibé nafatin esforsu nune'e bele buka fatin ne'ebé
di'ak hodi oferese ba nasaun amigu sira, hodi harii Embaixada, tanba Dadaun
ne'e, ami nafatin koordena ho Ministeriu Justisa oinsá bele hetan lalais rai fó
ba nasaun amigu sira tanba kooperasaun Timor-Leste ho nasaun amigu sira atu
fortalese hamutuk relasaun billaterál ba oin”, Afirma MNEK.
Entretantu, dadaun ne'e
Embaxadór Angola, Singapura hala'o ona misaun iha Timor-Leste, maibé seidauk
iha fatin hodi hari sira nia Embaxada, hodi hala’o sira nia servisu iha
rai-laran sai diak liu tan iha futuru.
Jornalista
: Anselmo Martins
Editor : Média RKDTL
0 Comments