DILI-
11/06/2024-Media defisiensia, Gabinete
Vise-Primeiru-Ministru no Reprezentante
País UNICEF iha Timor-Leste hamutu ho, Ministru Koordenador Asuntu Sosial,
Ministru Dezenvolvimentu Rural no Abitasaun Komunitaria Republika Demokratika
Timor-Leste asina memorandu entendimentu hodi hametin liután kooperasaun no
parseria entre UNICEF iha prosesu
dezenvolvimentu iha Timor-Leste.
Tuir
Gabinete Vise-Primeiru-Ministru Eng. Mariano Assanami Sabino hatete Asinatura
MoU ne'e formaliza servisu ne'ebé hala'o hela entre UNICEF no Gabinete VPM,
husi MoU hanesan dokumenta kompromisu UNICEF nian atu apoia vizaun no objetivu
sira iha Dezenvolvimentu nian.
"Ha'u
sente onra atu asina MoU ne'e entre UNICEF no ha'u-nia Gabineti nu'udar
Vise-Primeiru-Ministru. MoU ida-ne'e sei tulun UNICEF, atu fó asisténsia
téknika no apoiu ba Forsa Traballu Inter-Ministerial ba Asuntu Sosial hodi
hasoru dezafiu sira ne'ebé aas liu iha área sira ne'ebé relevante ba
dezenvolvimentu kapitál umanu, hanesan Dezenvolvimentu Labarik Idade Infansia,
Nutrisaun no Seguransa Ai-han, no empoderamentu ba foin-sa'e sira. Ita-nia
esforsu kolaborativu, sei loke dalan ba futuru ne'ebé naroman ba labarik sira
no povu Timor-Leste", Dehan VPM
Eng. Assanami liuhosi Press Release UNICEF, 10/06.
VPM
hatutan Timor-Leste labarik sira ne’ebé sedauk too tinan lima hetan esperiensia
raes-badak, iha efeitu ba tempu naruk sira nia saude fiziku no mental, tanba
ne’e presiza estabelese fundasaun ne'ebé loos ba sidadaun sira ne'ebé saudavel.
“Iha
Timor-Leste, porsentu 47 husi labarik sira ne'ebé seidauk to'o tinan lima hetan
esperiénsia raes-badak, ne'ebé iha efeitu signifikativu ba tempu naruk ba
sira-nia saúde fíziku no mentál, ne'ebé afeta sira-nia abilidade kognitiva no
produtividade iha sira-nia moris. Entre foin-sa'e sira, ne'ebé kompostu husi
besik pursentu 65 husi populasaun, nivel dezempregu ne'ebé aas no asesu
limitadu ba edukasaun ho kualidade. Investimentu iha aprosimasaun olistiku sira
ba aprendizajen, liuliu ba labarik sira ho idade tinan 0-8, estabelese fundasaun
ne'ebé loos ba sidadaun sira saudavel, kontente no iha abilidade atu kontribui
ba dezenvolvimentu nasionál”, Tenik VPM.
Iha
fatin hanesan Reprezentante País UNICEF, Bilal Aurang Zeb Durrani salienta,
Servisu liuhosi departamentu Gabinete VPM no UNICEF, fó apoiu tékniku ba
Institutu Nasional Defeza Direitu
Labarik, Konsellu Nasional Seguransa Ai-han no Nutrisaun iha Timor-Leste no unidade
sensor ba kombate raes-badak, MoU ne’e hanesan kompromisu UNICEF, atu apoia
servisu, ho objetivu atu asegura labarik
sira.
"MoU
ne’e hanesan kompromisu UNICEF nian atu apoia servisu, ho objetivu atu
asegura labarik iha Timor-Leste
saudavel, nutrisaun di'ak, aprende no seguru. UNICEF apresia tebes lideransa
VPM nian, hodi asegura hadi'ak setór sosiál sira, foin lalais ne'e harii Forsa
Traballu Inter-Ministerial ba Asuntu Sosial sira, ne'ebé sei apoia aprosimasaun
ida-ne'ebé koordenadu ba dezenvolvimentu kapitál umanu sustentavel nasaun nian,"
dehan Reprezentante País UNICEF, Bilal Liuhusi Press Release.
Entretantu
liuhusi forsa traballu, polítika Nasional Dezenvolvimentu Labarik Idade Infansia
no. polítika ne'e sei ajuda asegura labarik sira, asesu ba edukasaun ne'ebé
justu no kualidade aas ne'ebé sei ajuda labarik ida-idak iha sira-nia moris.
Jornalista: Eufozinha no Geraldino
Editor: RKDTL
0 Comments