Dili-12/06/2024, Média Defisiensia, Presidente Republika Demokratika Timor-Leste kondekora adjunta
embaixadora Australia nian iha Timor-Leste, tanba pozisaun ida-ne'ebé nia hala'o
ho distinsaun dezde 2021 to’o ohin loron.
Tuir Prezidente no Laureadu
Nobel da Pás Jose. Ramos-Horta kondekora ordem Timor-Leste nian iha kategoria Medalia ba Adjunta Embaixadora Australia nian, Suzanne
Wilson-Uilelea, hodi rekoñese ninia servisu dedikadu no kontribuisaun boot hodi
hametin parseria bilaterál entre Timor-Leste no Australia liuhusi kooperasaun
ne'ebé luan iha setór dezenvolvimentu.
“Kondekora ordem Timor-Leste
nian kategoria medalia ba adjunta tanba Parseria Timor-Leste no Australia nian
avansa durante, Wilson-Uilelea nia mandatu. Ida ne’e inklui Australia fornese
doze vasina kontra COVID-19 liu millaun 1.2, vizita alto nivel husi lideransa nasaun
rua nian, apoiu ba prosesu eleisaun Timor-Leste nian, no kooperasaun ne'ebé
luan iha setór dezenvolvimentu, ekonómia, seguransa, edukasaun no entre povu”,
Dehan PR liuhusi Komunikadu Imprensa, 10/06.
Prezidente hatutan Wilson nia
esforsu ba Timor-Leste bakarak tebes tanba ne’e nia merese hetan rekoñesimentu
husi ita nia nasaun tanba iha relasaun estadu-ba-estadu sai fundamental hodi
promove amizade ho ita nia povu Timor-Leste no agradese boot ba Wilson nia
dezempeñu no dedikasaun ba ita nia nasaun durante ne’e.
"Wilson-Uilelea nia
esforsu sira fó benefísiu boot ba Timor-oan barak iha tinan hirak-ne'e nia
laran, nia merese atu hetan rekoñesimentu husi ita-nia nasaun. Tanba nia
servisu iha kontestu relasaun estadu-ba-estadu sai fundamentál tebes atu
promove amizade entre ita-nia povu no apoia Timor-Leste nia pás, estabilidade
no dezenvolvimentu, hau fó agradesementu ba Wilson-Uilelea nia dezempeñu
ezemplar, dedikasaun no profisionalizmu, hodi promove interese Timor-Leste iha
nia knaar nu'udar Adjunta Xefe Misaun iha Embaixada Australia iha Dili dezde
tinan 2021”, Tenik PR.
Entretantu Timor-Leste nia
agradesimentu boot ba Australia nia amizade no asisténsia ne'ebé metin hanesan
parseiru boot ba dezenvolvimentu no seguransa nasaun dezde independénsia iha
2002. Prezidente enkoraja no fó konfiansa katak viziñu rua ne'ebé besik sei
kontinua habelar sira-nia parseria produtivu iha interese oioin ne'ebé fahe ba
malu iha tinan hirak oin mai.
Jornalista : Anselmo Martins
Editor
: Média RKDTL
0 Comments