Dili-18/06/2024-Média
Defisiensia, Prezidente Republika Demokratika
Timor-Leste realiza palestra presidensiál 2024 serie Da-III kona-ba
Diversifikasaun Ekonómika ba Dezenvolvimentu Sustentável, hodi rona ideias husi
governu relasiona ho dezenvolvimentu ekonomiaTimor-Leste nian iha Futuru.
Tuir prezidente Republika José
Ramos-Horta hatete, liu husi
palestra ne’e atu diskute kona ba dezafiu ekonomia no oportunidade ne’ebé
Timor-Leste hasoru no importánsia sira, husi diversifikasaun ekonómika hodi
alkansa dezenvolvimentu sustentável ba Timor-Leste iha futuru.
"Seria palestra ida-ne'e hanesan plataforma
importante, atu diskute dezafiu ekonómiku no oportunidade sira ne'ebé ita-nia
nasaun hasoru. Liuhusi halibur ofisiál governu sira, Korpu Diplomátiku,
parseiru dezenvolvimentu sira, ONG, akadémiku, no lider emprezariál sira, ita
bele kolabora hamutuk hodi harii ekonomia ida-ne'ebé reziliente no
diversifikadu liu ba ita-nia nasaun", Dehan PR iha salaun MNEK, 18/06.
Xefe Estadu ne’e hatutan, palestra ne’e realiza hanesan
kompromisiu atu promove dialogu kona-ba prosesu dezenvolvimentu Timor-Leste
nian, rona membru governu no parte kooperasaun sira nia ideia hodi kolabora
hamutuk, ba futuru bele promove
kresimentu ekonomia iha rai-laran.
“Palestra Prezidensiál Seria da-III nu'udar parte ida
husi kompromisu atu promove diálogu no kolaborasaun kona-ba kestaun xave sira
ne'ebé afeta dezenvolvimentu Timor-Leste nian. Nune’e rezultadu husi diskusaun
ne'e, sei informa rekomendasaun polítika no kolaborasaun sira iha futuru ho
objetivu atu promove kresimentu ekonómiku sustentável no diversifikasaun iha
nasaun ne'e”, Tenik PR.
Iha fatin hanesan Governadór Banku Sentrál Timor-Leste
(BCTL) Helder Lopes, afirma ohin realiza konferénsia ne’e, atu partilla
informasaun sira ba entidade liuliu governu no parseiru dezenvolvimentu,
kona-ba progresu dezenvolvimentu iha área kresimentu ekonomia.
“Ohin Presidente Republika realiza konferensia ida-ne’e
imoprtante tebes ba ita liuliu Banku Sentral Timor-Leste iha oportunidade hodi
partilla informasaun ba entidade relevante sira liuliu ba governu nomos
parseiru dezenvolvimentu kona-ba ita nia situasaun aktual. Oinsá ita bele
servisu hamutuk hodi rezolve no dezenvolve hamutuk. Ita mós Partilla progresu
dezenvolvimentu iha área ekonomia, kona-ba dezafius ne’ebé Timor-Leste iha no
prioridade, estratejiku sira ne’ebé governu trasa ona, ita hotu esforsu hamutuk
hodi implementa estratejia hirak ne’e, hodi rezolve problema ne’ebé ita hasoru
atu atinji albu dezenvolvimentu liuliu kresimentu ekoniomiku ne’ebe trasa ona”,
Dehan Governadór BCTL.
Entretantu iha palestra ne’e koalia kona-ba asuntu rua, ekonomia
krese mais alvu ne’ebé trasa ona nune’e mós kolia kona ba importasaun sasan
barak liu mai husi rai liur, tanba ne’e ba futuru presiza hadia di’ak liutan
iha sektór dezenvplvimentu ekonomia iha rai-laran.
Jornalista
: Geraldino Magno
Editor : Média RKDTL
0 Comments