PROFESSORES KONTRATADU KONTRA PROGRAMA ME NE’EBÉ LA TUIR LEI INAN

 

Dili-27/06/2024-Media Defisiensia, Professores kontratadu sira hala’o pres-konferensia hodi kondena Ministra Edukasaun tanba la konsidera desizaun sira husi Parlamentu Nasional kontra ona povu nia direitu liu-liu ba professores kontratu sira iha Timor-Leste.

Konferensia Imprensa ne’ebé hala’o husi professores kontratadu Timor-Leste, hodi kontra Ministra Edukasaun nia programa relasiona ho luta ne'ebé hahú husi fulan Jullu tinan 2023, direitu profesores kontratadus neʼebé hatúr ona iha Dekretu Lei no 31/2023 de 31 de Maio, situasaun profesores kontratadus seidauk iha serteza.

“Maske luta ida ne'e hetan apoiu no solidaridade husi parte hotu-hotu hanesan: Parlamentu Nasionál 6ª Lejislatura, Lider Igreja Katólika Timor Leste, Nai Veteranus, Sosiedade Sivil, Movimentus Sosiais, Advogadus no família sira hotu, maibe Governantes sira, liu-liu Excelênsia Ministra Edukasaun nafatin la iha vontade hodi solusiona problema refere ne'ebé sei bele fő impaktu negativu bá alunus sira nia aproveitamentu iha prosesu ensinu no aprendizajen iha 2º periodu no 3º period”. Dehan Professores kontratadu iha konferensia imprensa iha jardin 5 de Maio

Professores kontratadu sira deklara, sira nia Luta besik ona tinan ida, no ikus liu Parlamentu Nasionál 6ª Lejislatura aprova ona Proposta Rezolusaun Parlamentu Nasional nº 15/2024 de 29 de Maio, iha loron 27 fulan Maiu tinan 2024 ho votus unanimidade no publikadu ona  iha Jornál da Repúblika iha loron 29 fulan Maiu tinan 2024.

“Professores kontratadu Timor-Leste ejize baMinistra  Edukasaun  hodi ezekuta rezolusaun iha parlamentu Nasional karik la tuir lei sira ne’ebé mensiona iha leten konsellu nasional professores kontratadu sei hola posizaun hanesan:Professores kontratadu Timor-Leste sei hato’o karta konesimentu ba parte relevante kona-ba asaun ne’ebé sei realiza iha tempu tuir mai hasoru Exelensia Ministra Edukasaun no sekretariu Estadu”. Tenik professores sira iha konferensia imprensa.

Entretantu sira Rekomenda ba Ministra Edukasaun hodi toma responsabilidade bá Asuntus Profesores Kontratadus tinan 2023 no Profesores Reklamantes ne'ebé dedika-an ona voluntariamente durante tinan barak ajuda estadu RDTL, liu-liu Ministériu Edukasaun liu husi funsionamentu prosesu ensinu no aprendizajen iha terítóriu nasionál. atu labele husik situasaun ida ne'e fő impaktu bá sistema edukativu iha timor leste, basá, fasil atu destroi meibe susar tebes atu konstrui fhikas.

Jornalista       : Jeraldino  Magno Perreira

Editor             : RKDTL