EZISTENSIA AHDMTL BA DALA 13, MAIBÉ NAFATIN PREOKUPA BA KONDISAUN FATIN

 

Dili-02/07/2024-Media Defisiensia, Asosiasaun Halibur Defisiensia Matan Timor-Leste, selebra aniversariu ezistensia AHDMTL ba dala 13, maibé sira nafatin preokupa ba kondisaun fatin hodi halibur maluk ho Defisiensia sira iha Munisipiu,  hodi partisipa iha formasaun letra braille.

Diretor Ezekutivu AHDMTL Gabriel Fonsiano de Souza hatete, aniversariu ba dala 13 ida ne'e AHDMTL nafatin eziste atu halibur maluk Defisiensia sira, hodi fasilita fotmasaun letra braille ba maluk Defisiensia matan no la Defisiensia sira hodi kapasita sira nia kapasidade iha edukasaun naun formal.

"Ohin AHDMTL halo aniversariu ba dala 13 susesu no dezafiu ne’ebé AHDMTL hasoru durante ne’e too ohin loron, nia susesu mak ita forma ona maluk ho defisiensia matan sira hodi asesu ba edukasaun formal liuliu iha ensinu sekundariu npo universidade sira, tanba ne’e dejafiu ne’ebé AHDMTL hasoru mak sedauk iha fatin ne’ebé sufisiente ba AHDMTL, hodi hala’o atividade formasaun, maibé dormitoriu ba maluk defisiensia feto no mane laiha, AHDMTL mós sedauk iha fundus hodi sustenta maluk sira durante tinan barak no bareira fisiku ne’ebé sei satan hela ema ho defisiensia iha fatin públiku sira",Dehan Diretor Gabriel iha AHDMTL Manleu, 01/07.

Hatutan Diretor AHDMTL, durante ne’e AHDMTL halo ona advokasia iha nivel nasional no munisipal hodi fahe informasaun no halibur maluk defisiensia matan sira, hodi aprende letra brille no atividade seluk no AHDMTL halo advokasia ba ministeriu sira, hodi nafatin tau matan ba maluk defisiensia sira atu bele asesu ba edukasaun naun formal no formal sira.

“Durante ne’e AHDMTL nia advokasia fahe ba parte rua nivel munisipal no nasional, tanba ne’e iha munisipiu sira halao on aba future sei halo advokasia tama sai suku ida-idak ho programa hanaran vizita familia no nivel nasional, nafatin advoka ba parte relevante sira liuliu ministeriu ne’ebé lidera plnu asaun nasional ba ema defisiensia, hodi refelete nafatin formasaun ema ho defisiensia nian, hakotu nia.

Iha fatin hanesan Prezidente Konsellu Fiskal Gilberta dos Santos Pereira informa, aniversariu AHDMTL nia fó parabens ba maluk Defisiensia sira hotu ne’ebé hamahan aan iha AHDMTL, durante ne’e too ohin loron, tanba AHDMTL nia planu no programa mesak diak hodi halo advokasia no fó formasaun ba maluk Defisiensia matan sira, no kapasita sira iha edukasaun naun formal EhD mai  husi Munisipiu diferente hodi fó tempu ba aprende.

“Prosesu tomak ne’ebé AHDMTL halo ohin halo ona aniversariu ba dala 13 AHDMTL nia programa mak peskiza, hodi foti ema ho defisiensia ne’ebé iha munisipiu sira, hakbiit instituisaun, hodi fó formasaun ba estap sira ne’ebé tau matan ba EhD no kapasitasaun edukasaun ba membru ema ho defisiensia, liuhusi formasaun letra brille, Ingles, Komputadór no arte kultura foka liu ba muzika no dansa kultura no halo advokasia husi nivel altu too ba baze, hodi luta ba EhD sira ne’ebé ho tipu lahanesan hodi hetan oportunidade hanesan ho ema la defisiensia. Liuhusi aniversariu la’os festeza de’it maibé ita prepara ema ba dezenvolvimentu rekursu umanu ema hotu iha direitu hanesan, hodi kontribui ba nasaun ida ne’e”, Salienta Prezidente Konsellu Fiskal.

Tuir representante Diretor ADTL Evaresto da Conseção hanesan Empoderamento no Hakbiit Membru Tomak afirma, lori Asosiasaun Defisiensia Timor-Leste hakarak hatoo parabens ba Ezistensia AHDMTL ba dala 13, tanba ne’e husu atu nafatin la’o ba oin hodi halo advoj=kasia ba maluk defisiensia sira iha Timor-Leste.

“Hau lori ADTL nia naran hatoo parabens ba AHDMTL iha loron espesial ida ne’e, nafatin forte no servisu hamutuk ho parte relevante sira, hodi luta ba ema ho defisiensia sira ne’ebé sedauk hetan oportunidade iha ita nia nasaun”, Tenik Evaresto.

Entretantu iha aniversariu AHDMTL nian ba dala 13 hetan apoiu husi Word Vision no ADTL, hodi festeza AHDMTL nia aniversariu ne’ebé eziste tinan naruk ona, maibé nafatin infreta ba kondisaun fatin dormitoriu ba EhD.

Jornalista     :  Anjelmo & Geraldino

Editor            : MÉDIA RKDTL