Ainaro-26/06/2024-Média
Defisiensia, Centro Dezenvolvimentu Incluzivu
Timor-Leste, realiza sosializasaun informasaun relasiona ho termonolojia
apropriadu ba Ema ho Defisiensia sira iha Posto Ainaro Vila.
Diretór
Ezekutivu CDITL Martinho Guterres hatete, atividade sosializasaun ne’e hanesan
parte ida, hodi fahe informasaun ba komunidade sira kona-ba termonolojia ne’ebé
apropriadu, hodi bolu ema ho defisiensia tenke dignu no respeitu sira no labele
diskrimiña maluk defisiensia sira, fó oportunidade ba sira hodi asesu ba
atividade hotu.
“CDITL
mai ho vizaun ida ne’ebé hodi hasa’e koñesimentu sosiedade nian oinsa utiliza
termonolojia apropriadu ba EhD, tuir tipu kondisaun ne’ebé iha no atividade ida
ne’e atu halo aprosimasaun ho komunidade, hodi hatene EhD nia hola parte ba iha
prosesu dezenvolvimentu nian”, Dehan Diretor CDITL iha sede Suku Ainaro Vila,
Postu Ainaro, 25/06.
Diretór
hatutan iha atividade sosializasaun ne’e hetan apoiu husi GASS no tarjetu ba
munisipiu Haat, hodi halo atividade sosielizasaun kona-ba termonolojia
apropriadu ba Ema ho Defisiensia.
“Ami
hili munisipiu haat Ainaro, Manatutu, Viqueque no Ermera hodi halo sosializasaun,
tanba hetan apoiu husi Gabinete Apoiu
Sosiedade Sivil, hodi realiza atividade ne’e inklui ema hotu liuliu ba
autoridade lokal no komunidade sira atu utiliza termonolojia ne’ebé apropriadu
ba EhD, hodi redus interasaun sosial iha sosiedade nia leet”, Subliña Diretor.
Iha
fatin hanesan Administradór Posto Ainaro Vila Jerri Manuel Magno dehan apresia ba
CDITL, tanba primeira vez sentru refere lori informasaun, hodi fahe ba
komunidade sira relasiona ho linguajen ne’ebé apropriadu no bolu EhD tenke
respeitu sira.
“Ami
louba no apresia ba CDITL nia vontade bele haat mai munisipiu Ainaro hodi
habelar informasaun kona-ba situasaun no kondisaun Ema ho defisiensia ne’ebé
moris hamutuk ho komunidade no komunidade sira tenke respeitu maluk sira ne’ebé
ho kondisaun fiziku diferente no ba dahuluk sentru ne’e sosializa informasaun
kona-ba termonolojia ba komunidade sira hodi respeita EhD, tanba ita ema umanu
hanesan”, Salienta Administradór Postu Ainaro.
Tuir
Komunidade Santina dos Reis hanesan partisipante salienta durante ne’e sira
menus ba informasaun kona-ba termonolojia sira, hodi bolu EhD ho dignu, liuhusi
sosializasaun komunidade sira tenke respeita
EhD no bolu tuir linguajen ne’ebé sira hetan iha sosializasaun ne’e.
“Hau
kontente tebes ho informasaun ne’ebé CDITL esplika atu nune’e, ami labele
diskrimina no bolu ema ho defisiensia ho naran sira ne’ebé lamerese bolu EhD, tenke
bolu EhD tuir termonolojia ne’ebé ohin sentru sira fahe ba ami hotu iha fatin
ne’e”, Tenik Komunidade.
Jornalista
: Geraldino Magno
Editor:
Media RKDTL
0 Comments