Dili-21/06/2024-Média Defisiensia, relasiona
ho ezekusaun orsamentu Jeral Estadu tinan 2024, presidente
Repúblika Jose Ramos Horta konsidera membru Governu falta kapasidade hodi jere.
Iha intervista ba jornalista sira Horta hatete, Ezekusaun
Orsamentu Jerál Estadu (OJE) 2024 ne'ebé sei mínimu ne'e tanba falta kapasidade
membru governu nian no bainhira la ezekuta orsamentu mezmu Orsamentu Jerál
Estadu OJE 2024 ne'e hatun la hanesan ho orsamentu anteriór hanesan Primeiru
Ministru hatete, atu kontensaun despeza no atu ministru sira hatudu kapasidade
implementasaun, se ministériu ida hatene ezekuta nia orsamentu entaun tenke
hare didi'ak produtividade no kompeténsia ministériu nian.
Entretantu nia hatutan foin metade du anu, ita sei hare mais ida ne'e la'ós ha'u nia kompeténsia no ne'e Xefe Governu nia kompeténsia, kredibilidade no autoridade atu hare buat sira ne'e, lia ne'e hato'o hafoin remata enkontru ho PM 20/06.
Jornalista : Anselmo
Editor : Media RKDTL
0 Comments