foto copyright Hatutan.com |
Dili 25/06/2024- Média Defisiensia, Conselho de Imprensa fo formasaun ba Jornalista sira hosi média nasionál ne’ebé eziste iha Timor-Leste (TL) kona-bá jornalizmu bá pás ne’ebé oferese hosi Conselho de Imprensa (CI) ho nia parseiru Heavenly Culture World Peace Restoration of Light (HWPL).
Tuir presidenti CI Otelio Ote hatete, Formasaun
ne’e hanesan realizasaun bá asina Memorandu of Understanding (MoU) ho kompañia
boot ida hosi Korea Súl maka Heavenly Culture World Peace Restoration of Light
(HWPL) kona-bá formasaun jornalizmu bá pás iha Timor-Leste, aumesmu tempu loke
mos abertura husi formasaun refere.
“CI mak
husu tanba ita-nia rai presiza tebes jornalista sira atu hatene halo kobertura
kona-bá asuntu pás. Nune’e ita agradese HWPL ne’ebé responde ona no ohin ita
realiza formasaun,” Prezidente CI, Otélio Ote hateten iha abertura bá formasuan
Jornalzmu bá Pás, Sesta (21/06/2024).
Prezidente CI konsidera formasaun ne’e atu
jornalista sira iha koñesimentu di’ak liután kona-bá jornalizmu bá pás no mós
atu muda pensamentu jornalista no média sira oinsa halo kobertura kona-bá
asuntu pás liu hosi produtu sira ne’ebé iha valór pás nian.
Formasaun ida-ne’e foin primeira etapa, nune’e
aprezentasaun matéria jerál de’it no iha tempu tuir-mai sei iha tán formasaun
hanesan foka bá asuntu hanesan ho nível médiu liuliu iha téknika jornalístika
kona-bá jornalizmu pás nian.
Fatin hanesan Formadór Konselleiru Francisco
Belo Simões da Costa iha ninia aprezentasaun hatete, perante formandu sira
esplika natureza hosi Jornalizmu bá pás nu’udár forma jornalizmu ne’ebé ho nia
objetivu atu mellora kumpriensaun kona-bá konflitu no buka solusaun la ho
violénsia liu hosi notísia sira.
Iha kontestu ne’e, atuál xefe Redasaun média Hatutan.com ne’e hateten, Jornalizmu bá pás halo esforsu atu mantein pozisaun neutru no justu iha situasaun konflitu ka disputa bá objetivu la promove violénsia.
Nia dehan, Sentru Jornalizmu bá pás mundiál iha
Universidade Park, define Jornalizmu bá pás iha sensu ida pró ativu-liu.
Enkuantu Matéria Jerál kona-bá jornalizmu bá pás
ne’e oferese hosi Konselleiru sira iha Conselho Imprensa Timor-Leste nian, mak
hanesan Konselleiru Amito de Araújo, Konselleira Isabel Fernandes ho Prezidente
CI Otelio Ote no Konselleiru Francisco Belo Simōes da Costa.
Jornalista :
Alex & Louvino
0 Comments