Dili-
16/05/2024-Media Defisiensia, Sekretariu Estadu
Protesaun Sivil lansa projetu ruan hamutuk Embaixadora Australia no NGO
Internasional inklui NGO lokal sira, halao serimonia lansamentu ba Projetu
El-Nino Preparedness no Anticipatory Action Trial hodi implementa ba Munisipi
Sanulu resin tolu.
Tuir Sekretariu Estadu
Protesaun Sivil Domingos Mariano Reis, hateten objetivu husi atividade ne’e atu
halo serimonia lansamentu projetu El-ninu no anticipatory, sai hanesan dalan
diak hodi konserva bee matan sira no preparasaun ba El-ninu, tanba ne’e
agradese ba apoiu finanseiru husi Parseiru Umanitaria Australia iha
Timor-Leste.
“Importante loos
bainhira itan laiha preparasau antisipatoriu no ita nia preparasaun hasoru
El-nino ita tenke konserva bee matan sira, prepara fini ba agrikultor sira, hodi
konserva aihan bele garantia bainhira bailoron naruk ita nia komunidade sei la kontesta
kona-ba hamlaha no bee, ami nia preparasaun ba El-niñu”, Dehan Sekretariu APC ba
Jornalista sira iha Salaun APC Kaikoli, 10/05.
Sekretariu PC hatutan atividade
projetu ne’e sei prepara dada bee ba komunidade no eskola sira inklui hahan ba
eskola sira no preparasaun ba El-ninu hahu Janeiru too Dezembru 2024 no hetan
apoiu husi AUP ba Timor-Leste.
“Preparasaun ba el-ninu
nian, projeitu dada bee ba komunidade uma kai’in rihun haat sei fó
benefísiuariu hodi dada bee ba uma.atividade projetu el-ninu ne’e sei kobre ba
munisipiu sira hotu total populasaun hirun neen mak sei hetan benefisiariu husi
projetu El-ninu. Projetu ne’e hetan apoiu fundu husi Parseiru Umanitaria
Australia ho montante 1 ital, iha aitem rua ba preparasaun El-ninu no
antisipasaun ba El-ninu, projetu sei benefisia ba maluk defisiensia, labarik
feto”, Salienta Sekretariu PC.
Iha fatin hanesan
Embaixadora Australia iha Timor-Leste Caitlin Wilson dehan, eventu lansamentu
projetu husi SEPC ho objetivu atu tulun komunidade sira, prepara no responde ba
impaktu sira husi kondisaun klimatika perigosu no fó amesa ba komunidade liuliu
labarik feto no Ema ho defisiensia.
“Projetu ne’e atu
benefísia ba Feto, labarik feto no ema ho defisiensia hetan impaktu makas liu
ba mudansa klimatika, tanba desigualdade estrutural no sistematiku ne’ebé sira
hasoru ho inisiativa foun ne’e sei implementa no foku ba igualdade jeneru
inkluzaun no lokalizasaun, hodi hasae importansia atu mitiga no preppara
komunidade sira hasoru dezastre no mudansa klimatika”, Tenik
Entretantu apoiu husi
governu Australia ho inisiativa no iha objetivu atu redus vulnerabilidade no
hasa’e rejilensia ba komunidade ne’ebé risku ba impaktu, husi dezastre no
mudansa klimatiku, tanba ne’e ho asistensia fundus hamutuk AU$ 2,637,972 Dolar
Australianu, apoiu ba Timor-Leste hodi implementa projetu rua ba komunidade.
Jornalista
: Geraldino Magno
Editor:
Média RKDTL
0 Comments