Dili-09/05/2024-Media
Defisiensia, Prezidente Repúblika partisipa iha
serimonia “Open Officer Reception”, ne’ebé realiza husi Embaxada Brunei
Darusalam iha Timor-Leste halao eventu kona-ba kultural no relijiaun tuir
tradisaun Musulmanu.
Tuir Sefe Estadu José
Ramos Horta hatete, sempre simu konvite husi Embaixada iha Timor-Leste hodi partisipa sira nia eventu ne’ebé halao atividade
nasional, kultural no relijiaun.
“Ha'u nunka falta
konvite ruma husi embaixada iha Timor Leste, konvite husi ajensia nasaun
unidas, ha'u sempre marka prezensa. Bainhira embaixada ruma halo atividade
nasionál , kulturál, ka relijiozu, ha'u sente katak ita hatudu kortezia,
respeitu buka tempu partisipa no eventu ida ne'e hola parte iha rejiaun,
kultura, tradisaun nasaun Musulmanu sira, bainhira tempu Ramadan remata hanesan
tempu atu simu amigu, taka tiha inimigu”,Dehan Presidente Republika iha Timor
Plaza,08/05.
Presidente hatutan
Timor-Leste halo kooperasaun ho Brunei Darusalam di'ak tebes husi tempu uluk
too agora hodi apoiu Timor-Leste ba ASEAN.
“Kooperasaun ho Brunei
Darusalam di'ak tebes , liurai bo'ot Brunei sua Majestade Sultan, ema ida
primeiru nia ukun rai ida ne'ebé estabilidade, dame hotu koiñese, kriminalidade
ruma mós laiha no radikalizmu laiha. Protokollu Prezidensia, protokollu
Governu, ministériu hotu-hotu bo'ok an, koordena atu simu ita nia liurai bo'ot
ho festa bo'ot atu hatudu ba nia, ita nia gratidaun no rekoñesimentu ba nia
apoiu ba Timor-Leste iha ASEAN tinan lubuk ida nia laran”, Tenik Xefe estadu.
Iha atividade seremonia
“Open Office Reception” ne’e partisipa husi Membru Governu balun no
Embaixadór/a sira iha Timor-Leste.
Jornalista:
Anjelmo Martins
Editor:
Media RKDTL
0 Comments