Dili-16/05/2024-Media
Defisiensia, Kommunity Based Rehabilitation Network
Timor-Leste (CBRN-TL), hala’o enkontru jeral hodi apresenta progresu annual
sira iha tinan 2022 to’o 2023 nian no hili estrutura foun ba mandatu tinan 2024
to’o 2027.
Diretora Ezekutivu
Norberta Soares hatete atividade enkontru ida ne’e kada tinan CBRN-TL sempre
organiza atividade hodi hatoo progresu sira durante tinan 2022 no 2023
implementa iha tereñu nune’e bele halo lansamentu ba relatoriu annual nian.
“Enkontru jeral Anual ida ne’ebé mak kada tinan organizasaun CBRN-TL
halAo ho objetivu atu bele fahe progresu implementasaun, dezafius no deskuti hamutuk planu asaun sira ne’ebé mak
ba futuru liuliu programa sira ne’ebé bele benefisiu ba iha ema ho defisiensia.
Aumesmu tempu hili lideransa foun ba Konseillu Fiskal CBRN-TL nian ba tinan
tolu nian oin mai 2024 to 2027, alende aprejentasaun relatoriU anual CBRN-TL
nian, lansa mós relatoriu annual hanesan evidensia ida ba parte interasada hotu,
hodi bele tau atensaun no konsidera kona-ba situasaun ema ho defisiensia liuliu
kria kolaborasaun entre parte intresada sira ho organizasaun CBRN-TL ba implementa
programa ne’ebé bele benefisiu ba ema ho defisiensia ”, Dehan Diretora CBRNTL
Norberta iha salaun CNE, 30/04.
Diretora Ezekutivu ne’e
salienta organizasaun ne’e ema ho defisiensia nian atu promove sosiedade
inkluzivu ba ema hotu iha TL hodi atinji
programa sira kona-ba dezenvolvimentu no halo peskiza ba ema ho defisiensia nia
asesu ba servisu sira iha instituisaun.
“Organizasaun CBRN-TL
hanesan organizasaun ida ne’ebé ema ho
defisiensia ninian servisu, hodi promove sosiedade inkluzivu ba ema hotu iha
Timor-Leste atu atinji sosiedade inkluzivu ba ema ho defisiénsia hotu. Ami iha
programa hanesan primeiriu haree kona-ba dezenvolve no maneza ita nia
informasaun Sibiar Kommunity Based
Rehabilitation atu bele inkluzivu ba asuntu ema ho defisiensia. Darua programa liga
ba peskiza monitorizasaun atu bele monitoriza no halo peskiza kona-ba oinsa
asesu ema ho defisiensia ba asistensia servisu sira hanesan saude, edukasaun,
Justisa sosial, tanba ema ho defisiensia hasoru deskriminasaun violasaun bainhira
asesu ba asistensia servisu no rezultadu sira”, Tenik Diretora Norberta.
Entretantu, durante peskiza
ba ema ho defisiensia asesu ba servisu saúde dadus hatudu katak infraestrutura
saúde sira hanesan ospital, klinika
sira la asesivél ba ema ho defisiensia
hanesan sei iha estrada ne’ebé mak a’as, sala ne’ebé mak klot hanesan kuartu ho
haris fatin ne’ebé mak klot no kama kuartu nian
ne’ebé klot liuliu odomatan haris fatin sira ne’e seidauk bele aseisu ba
ema ne’ebé mak uza kadeiria roda nomos uza aitonka sira nia koñesimentu kona-ba
ablidade ema ho defisiensia ho tipu defisiensia lahanesan sira sei hasoru
bareira iha fatin servisu sira.
Jornalista
: Anjelmo Martins
Editor:
Media RKDTL
0 Comments