Dili-28/05/2024-Média Defisiénsia, Prezidente Republika Demokratika Timor-Leste no Laureadu Nobel ba Pás kondekora Orden Honorifika Timor-Leste nian iha kategoria Kolar ba Embaixadór Repúblika Federativa Brazil, Maurício Medeiros de Assis nia misaun diplomátika exelente iha Timor-Leste durante tinan tolu.
Prezidente José Ramos-Horta hatete Embaixadór Repúblika Federativa Brazil halao nia servisu no dedikasaun, ezemplár no susesu boot ne'ebé rezidente iha Timor-Leste, halao nia misaun diplomátika tinan tolu, hodi apoiu Timor-Leste ho nia papél fundamentál diak tebes, hodi promove nasaun nia interese no amizade entre povu sira liuhusi Dezenvolvimentu.
"Embaixadór Maurício nu'udar Timor-Leste nia belun ne'ebé loos, hodi hala'o papél fundamentál ida hodi promove ita-nia nasaun nia interese no promove amizade entre ita-nia povu sira hala’o ninia profisionalizmu, dedikasaun no haka'as an atu haburas ita-nia relasaun bilaterál mak inspirasaun no merese hetan onra boot ida-ne'e", Afirma Prezidente Republika iha Palasiu Prezidente Aitarak-Laran 28/05.
Laureadu Nobel ba Pás hatutan Timor-Leste nia relasaun hpo diplomatika ho Brazil estabele ona iha restaurasaun Independensia tinan hira liu ba tanba ne’e kontinua fó apoiu ba kandidatu Brazil durante tinan naruk.
“Relasaun diplomátika entre Timor-Leste no Brazil estabelese iha loron 20 fulan-maiu tinan 2002 hafoin Timor-Leste restaura independénsia. Timor-Leste kontinua fó apoiu ba kandidatura Brazil nian iha organizasaun oioin ONU no internasionál durante tinan barak”, Dehan PR.
Entretantu iha kondekorasaun ne’e Prezidente
Republika hato'o nia agradesimentu ba apoiu tomak Brazil nian mai Timor-Leste,
durante restaura independensia too ohin loron nafatin kooperasaun diak.
Jornalista : Anselmo Martins & Geraldino
Editor :
RKDTL
0 Comments