TRABALLADÓR TIMOR OAN 35 SEI SEMO BA SERVISU IHA AUSTRALIA TEMPU BESIK

 

Dili-10/01/2024-Media Defisiensia,  Diretor Interinu ba Diresaun Nasional Empregu Estranjeiru hamutuk ho inan aman no trabaladór Timor oan 35 sira asina deklarasaun hodi ba servisu iha Australia.

(Diretor Interinu Alarico Fernandes)

Tuir Diretor Interinu Alarico Fernandes  hatete, traballadór Timor oan sira ne’ebé asina ona deklarasaun hamutuk ho inan aman sira hodi ba servisu iha Australia tenke kuidadu aan labele halai ses husi sistema tanba ba servisu iha Australia lori Timor nia naran.

“Husu ba ita boot sira servisu  la’o tuir kontratu ne’ebé imi asina la bele ses husi sistema, lia memon ba traballadór sira katak so’e arte marsiais no arte litural sira rai hela iha timor ba iha Australia ho objetivu ida de’it ba buka osan lori mai hadia moris ”, Dehan Direstor Interino Alric iha Salaun ETDA.

Interino ne’e salient, traballadór ne’ebé sei aranka ba Australia iha loron 13 to’o 14 fevreiru tinan ne’e, no sira sei servisu tuir área ne’ebé hili ona.

“Trabalhador ne’e ba iha área agrikultura sira sei aranka iha loron 13 to’o loron 14 fulan Fevereiro no traballador timor-oan sira nia kontratu iha fulan neen no fulan sia”, Subliña Diretor Alarico.

Iha fatin hanesan representante Eligida Martins hatete, dahulu hetan ona oportunidade ba dala rua hodi ba servisu iha ho objetivu atu haree familia, halo uma no suporta alin ba eskola.

“Ha’u hetan oportunidade ida ne’e ba dala rua ona objetivu atu sai husi ne’e hodi hetan osan no suporta ha’u nia familia no osan ne’ebé hau hetan ha’u konsege halo ona ha’u nia uma suporta alin sira ba eskola”, Tenik Eligida.

Entretantu nia husu ba maluk sira ne’ebé maka seidauk hetan oportunidade husu atu haforsa an nafatin buka informasaun no labele monu ba lasu sira atu bele hetan oprtunudade ne’ebé hanesan hodi ba servisu iha rai-li’ur.

Jornalista       : Anselmo J. M. da Costa Martins Louvino da C.  Magno (estajiadu)

Editor             : Media RKDTL