SECOOP FÓ POSE BA ESTRUTURA FENAKU -LENDATL NA’IN 8

 

Dili-05/02/2024-Media Defisiensia, Sekretariu Estadu Kooperativa (SECOOP) fo pose ba estrutura foun nain 8 husi Federasaun Nasional Kreditu Uniaun-Leno Dalan (FENAKU -LENDATL) hodi kontinua movimentu atu bele halo monitorin ba kooperativa ne’ebé eziste iha munisipiu sira.

Sekretariu Estadu Kooperativa (SECOOP) Arsenio Pereira da Silva hatete, husi nia  prezensa hodi fó pose ba estrutura foun ne’ebé husi Federasaun Nasional Kreditu Uniaun-Leno Dalan Timor-Leste hodi kontinua movimentu ne’e ba oin tanba setor koperativa ne’e hola parte iha prosesu dezenvolvimentu.  

“Hau hanoin tuir lo’os prezidente  federasaun mak esplika hanesan governo klaru katak sai parseiria ba liu-liu movimentu koperativa sira  tanba ida ne’e mak hau marka prezensa  atu fo pose ba federasaun foun  ne’ebé ke ho naran  Federasaun Nasional  Kreditu Uniaun Leno Dalan Timor Naran Ida ne’ebé que inspira ita e fo motivasaun ba movimentu koperativa sira hotu oin sa e depois  faz parte dezenvolvimentu setor  koperativa  nian tanba ida ne’e mak hanesan governante  sempre desponivel  ba atu mai ho parseiro  sira hanesan federasaun  foun ida ne’e depois ba futuru saida mak hanesan sai parseiru saida mak atu resposabliza ba iha dezenvolvimentu setor koperativa nian tomak,” dehan Arsenio Pereira da Silva 05/02.

Nia hatutan, total kooperativa ne’ebé eziste iha TL hamutuk 20.019, no iha nia diskursu hato’o katak iha munisipiu sira mos tenke iha federasaun atu nune’e bele halo monitorizasaun ba membru kooperativa sira.

“ohin hau diskursu hau hato katak iha munisipiu tenke iha nia  federasaun depois sira mo’os bele hatene no  koperativa hira mak ezisti  iha ne’ebá  sira ne’ebé la’o para depois bele monitoriza hanesan federasaun bele monitoriza nia membrus sira karik prezisa apoiu iha parte ida ne’ebé  hanesan federasaun mai hato iha governu parte saida mak bele dezenvolve bele atu hetan para sira bele dezenvolve diak liu tan iha ita nian rain ne’ebé ida ne’e mak iha sira ne’e la’os  hot- hotu  lao ho diak maibe tuir dadus ne’ebé mak agora iha hau nia liman  mak tuir hau hatene mak dozentus mil deza nove koperativas   iha timor tomak iha ne’ebé eziste agora dadauk ho federasaun foun ne’e espera katak sira mos bele halo rezistu ba iha liu-liu ba iha kreditu sira,”tenik nia.

Enkuantu Federasaun ne’e hari’i husi membrus kooperativa hamutuk nain 11 hanesan CU paun moris, CU Dadirah, CU Esperansa, CU Enclave, CU Lanamona, CU Lemorai, CU Tau fini ba Futuru, CU Rohalik, CU Budahandra, CU Hikmo, CU Chko.

Jornlista         : Pascoal N. de Jesus

Editor             : Media RKDTL