NEGOSIANTE GIL NAFATIN FAN FEHUK TALAS TOO GOVERNU KRIA KONDISAUN BA MERKADU

 

Dili-07/02/2024-Media Defisiensia, tuir informasaun ne'ebé Media STL Públika ona relasiona ho Diretur Jestaun Merkadu no Turizmu Munisipiu Dili Althur Henrique katak Negosiante la bele faan fehuk no talas iha mini merkadu Lita Store oin.

 Gil Alexandrinho de Sousa Ribeiro hanesan negosiante iha minia merkadu Lita Store oin, hatete, nafatin faan too governu kria kondisaun ba merkadu hafoin para.

 “na realidade fatin ne’e faan aifuan maibé ita hare ba kondisaun no situasaun ne’ebé mak iha aifuan sira dalaruma la sufisiente no tuir tempu entaun fatin mamuk tanba ne’e tenki faan fali nia isin sira ne’e hansa halo kombinasaun ba iha ne’ebá para fatin ne’e la bele mamuk, maibé se autoridade sira hatun ona orden mai dehan la bele faan pasensia ami prontu kopera, mais ita hare ba ita nia nasaun TL ne’e merkadu tradisional ka merkadu ne’e atu faan ketak se ita hakarak merkadu ne’e sai modernizasaun governu tenki kria kondisaun, maibé governu seidauk kria kondisan ba merkadu ho di’ak maka ami sei nafatin faan,” dehan negosiante Gil iha mini merkadu Lita Store.

Iha sorin seluk Diretur Ezekutivu FONGTIL Valentin da Costa Pinto iha nia knaar fatin preokupa tebes ho desizaun autoridade Munispiu Dili (AMD) nian ne’e tanba kontradis ho polítika Governu nian ne’ebé hatete ona katak “tenke promove aihan lokál sira” tanba ne’e husu presidente autoridsade atu klarifika tanba sa mak orienta seguransa sira atu ba halo atuasaun negosiante sira la bele faan produtu lokal sira iha merkadu.

“primeiru ami preokupa kona ba statement Autoridade Munisipiu Dili (AMD) nian ne’e entaun ami husu katak presiza reveia statement ida ne’e los ka lae tanba ami hanoin katak ida ne’e kontradis ho polítika governu ne’ebé dehan katak ita tenke promove ita nia ai-han lokál ita nia produtu ita tenke hasa’e produtu rai laran ne’e hatudu katak ita nia fehuk ai-farina sasan sira ne’e partense orijen ita nia ai-han ne’ebé maka ita han, entaun polítika governu dehan katak kuda saida mak bele han, bele han saida mak ita kuda tanba ne’e ida mak ida ne’e, maibé produtu lokal sira la bele hetan espasu iha merkadu entaun ita Timor ita atu promove Produtu saida,”preokupa Diretur ne’e.

Enkuantu baihira Autoridade orienta seguransa sira ba halo atuasaun mak sosiedade sivil sei ko’alia ho prezidente Autoridade Munisipiu Dili atu la bele halo atuasaun tanba konsidera sala tanba merkadu mak fatin atu faan sasan sira ne’e.

Jornalista                   : Alex & Geraldino

Editor                         : Media RKDTL