Dili- 08/02/2024- Media Defisiensia,
Organizasaun Naun Governamental realiza forum nasional ho tema “Feto iha
direitu atu foti desizaun ba ekonomia familia” liuhusi planu asaun hodi halo
negosiu faan sasan no halo produsaun ba tais no produtu sira seluk.
Diretora
Ezekutivu ONG Ba Futuru Judit Maria de Sousa, esplika atividade ohin realiza
programa Feto Lidera Kovid-19, ne’ebé implementa liu ona, benefisiariu na’in 60
mak hetan benefísiu husi programa ne’e, mai husi município rua.
“Ami realiza forum nasional husi programa feto lidera kovid-19 liuhusi dame no
dezenvolvimentu ekonomia ne’ebé mak implementa liu ona iha município Ermera no
Covalima no inan feton sira hetan benefisiariu
na’in 60 mak susesu husi programa hanesan Ermera na’in 30 no Covalima na’in 30”,
Dehan Judit iha salaun Fatuhada Kinta 08/02.
Salienta
tan programa ne’e hetan apoiu husi parseiru Alemña hodi realiza programa hodi
fahe informasaun ba inan feton sira hodi halo negosiu rasik.
“Programa
ne’e fornese formasaun ba inan feton ho tema oin-oin hanesan, disiplina
positivu , protesaun ba labaraik, igualdade jeneru no haforsa ekonomia oinsa
atu rai osan iha programa ne’e ami servisu hamutuk ho kooperativa no emprejaria
lokal hodi servisu hamutuk ho inan feton sira, rai osan no halo kreditu ba osan
no fó estratejia oinsa bele halo sira nia negosiu sai di’ak”, Subliña Diretora
ONG ba Futuru.
Sekretaria
estadu Igualdade Elvina de Sousa…..dehan partisipa atividade ne’e hodi halo
abertura no ko’alia ba feto maluk sira
ne’ebé mak sai benefisiariu ba programa halao husi ONG ba Futuru tanba ne’e parabens
ba ONG Ba Futuru no ekipa sira bele kompleta servisu governu nian hodi fó
oportuunidade ba feto maluk iha área ekonomia.
“Partisipa
atividade ne’e hodi halo abertura no ko’alia
ba feto maluk sira ne’ebé mak sai benefisiariu ba programa halao husi ONG ba
Futuru, atividade fó benefísiu ba feto maluk sira no inspira benefisiariu bele
maneja osan no jere ekonomia familia no empodera feto sira bele foti desizaun
iha uma laran tanba ne’e hatoo apresiasaun ba ONG ba futuru no ekipa ne’ebé
komplementa servisu governu nian, bele fó oportuunidade ba feto maluk sira iha
vida ekonomia”, Ekoraja SEI Elvina.
Iha
fatin hanesan benefisiariu Higia Xavier
dos Santo dehan bainhira hala’o negosiu lafasil tanba ne’e tenke badinas hodi
foti desizaun no fiar malu iha familia nia laran hodi halo negosiu rasik.
“Bainhira
atu sai ema negosiante lafasil tenke iha vontade no badinas ida ne’e xave importante
bainhira foti desizaun halo negosiu tanba ne’e hau nia negosiu diferente no hau
mos brani foti risku halo negosiu hahu ho 20$ hau fan obralan iha tinan 2019 to’o
agora no ami harii grupu ida ho feto maluk hodi rai osan dadaun ne’e atiji ona
1,000 ba leten banhira halo negosiu hau
foti desizaun hamutuk ho parseiru no oan sira nia hanoin mak ami halao negosiu
tanba ne’e husu ba feto maluk sira tenke brani foti desizaun no risku iha
familia uma laran”, Tenik benefisiariu Higia.
Jornalista : Geraldino & Eufrozina
Editor : Media RKDTL
0 Comments