AMTL RELATA PROBLEMA HAPA PROFESOR KONTRATADU BA CCLN

 

Dili-07/02/2024-Media Defisiensia, Asosiasaun Manorin Na’in Timor-Leste relata problema ministeiru edukasaun hapara professor kontratadu ba konsellu veteranus tanba hanesan orgaun konstrutivu husi estadu nian hodi asegura paz no establidade.

Tuir AMNTL Agustinho Pinto hatete, relasiona ho ME nia desizaun ne’ebé hapara professor kontratadu sira la tuir dala legal, tanba ne’e sira relata problema ne’e ba CCLN hodi fó hanoin ba Governu liu-liu ME nune’e bele fó solusaun ba problema ne’e.

"Ohin ami enkontru atu relata problema ne’ebé mak ami professor kontratadu sira hasoru ho ministeriu edukasaun ne’ebé la rekonese no hapara ami nia kontratu la tuir dalan legal tanba ne’e veteranus iha papel tolu mak hanesan orgaun konstrutivu husi estadu hodi asegura paz no estabilidade no ida seluk mak kontribui ba dezenvolvimentu tanba ne’e ami hatoo lamentasoens sira ne’ebé mak ministeriu edukasaun  halo ba ami para nu’udar aman veteranus e ami sira mós bele husu ba na’i-ulun sira no fó hanoin ba Governu liu-liu ministeriu edukasaun bele fó solusaun ba problema", Dehan Agustinho iha Salaun CCLN Comoro Quarta 07/02.

Vidal de Jesus (Presidente Administrasaun CCLN)

Iha fatin hanesan Presidente Administrasaun CCLN, Vidal de Jesus ho kódiku "Riak Leman" esplika, probelma refere komúm maibé ne’e kompetensia ME laos CCLN nian

‘‘Problema sira ne’e mos ita hotu nian agora ne’e ita nia prekupasaun halai liu ba oinsa bele hanorin ita nia oan sira  hetan kualidade di’ak, kona-ba hapara kontratu no halo rekruta foun hodi tuir konkursus ne’e kompetensia  ministeriu edukasaun  nian ba ami hanesan veteranu la’o tuir saida maka hakerek iha estatutu kombatete liberasaun nasional nian", esplika Presidente ne’e.

Nia parte mos husu ba governu liu-liu ME atu foti ema ne’ebé iha ona esperiensia hodi bele garantia kualidade estuante sira nian.

‘‘Rekomenda ba parte kompetente hapara profesor kontratadu ne’e kompetensia governu nian maibe ami hanesan veterano ami hanesan konsellu ne’ebé representa ba timor  laran tomak rai hela lia menon ruma ba ita nia governu liu liu mos ba ita nia Ministeriu Edukasaun senhora Dulce maka hanesan ministra esdukasaun husu ba sira para atu hare didiak halo exersisio makas iha ministeriu ne’e nia laran hare took ministeriu sira ne’ebé iha esperensia diak ba ministra sira ne’ebé hanorin diak duke ita ba hatama fali ema foun ba iha ne’ebá ne’e susar tanba ne’e maka servisu hotu hotu iha rai ida ne’e ita presiza ema ne’ebé iha esperensia ne’e matenek nia bele engeneriu di’ak maibe esperensia mos tenki iha nepara bele hanorin ita nia oan sira sai matenek,’’ hakotu nia.

Entretantu relasiona ho preokupasaun hirak ne’e halo eskola barak makmenus professor atu hanorin estudante sira.

Jornalista                   : Geraldino Magno & Anselmo J M. da C.Martins

Editor                         : Media RKDTL