TL HO UN WOMEN HALO LANSAMENTU DARUAK PAN 1325 TINAN 2024-2028

 

Dili-16/02/2024-Media Defisiensia, Timor-Leste ho UN Women realiza lansamentu jerasaun daruak ba Planu Asaun Nasional 1325, ba implementasaun resolusaun konsellu seguransa nasoes unidas nian kona-ba feto paz no seguransa.

Tuir Ministro Interior Francisco da Costa Guterres hatete planu iha haat hodi enkoraja feto sira partisipa iha atividade oin-oin tanba ita rona mediadores feto ne’ebé iha esperensia barak durante hala’o nia servisu konsege resolve problema balun ho ida ne’e ita promove feto ba iha mediasaun nasional hodi resolve problema balun. 

“Ita hatene planu iha 4 tanba ne’e oinsa atu enkoraja  feto bele partisipa iha prevensaun tanba ita rona ohin iha mediadores feto espresa ninia esperensia hanesan feto sira, feto durante ne’e halao sira nia servisu konsege resolve problema lubuk boot ho sira nia kapasidade hansan mediadores no hanesan inan mai koalia sai hanesan faktor determinante hodi koalia buat ruma no bele resolve sira nia problema, hau hanoin ita promove feto ba iha mediasaun nasional hodi resolve problema dala barak konflitu barak mane la konsagrasaun ita haruka feto sira resolve tanba feto koalia ho kalma no konsege intende problema balun”, Dehan MI Francisco iha Salaun Hotel Timor 16/02.

Nia salienta feto dadaun ne’e atinji 15% iha servisu fatin sira presiza aumenta ba 18% ita haree feto sira nia partisipasaun ne’e makas tebes ita tenke aumenta tan polisia feto 20% tanba dadaun ne’e 15% presiza aumenta tanba sira nia partisipasaun iha seguransa ne’e forte tebes.  

“Agora imi rona ona ohin sira koalia 15% ita tenta atu sira ba 18% maibé ita haree took seguransamentu tanba feto sira nia partisipasun makas, hau koalia iha forsa armada sei kapitaun polisia ne’e iha tia kornel ona kornel senior ida ona iha mós maijor iha ne’e nain 6 ne’ebé ita koalia kona-ba feto iha PNTL mesmu numeru ne’e la too foin mak 15% mais sira nia partisipasun seguransa makas tebes, dadaun ne’e prioridade ba feto ami sei deskuti bele fó sira 20% ita haree feto nia proporsionalidade ne’e iha hira ami bele fó 20% hodi kompete iha vaga tuir mai”, Tenik MI.

Iha fatin hanesan xefe UN Women iha Timor-Leste Nishtha Satyam dehan fó parabens ba governu timor-leste tanba bele aprova ona PAN 1325 faze daruak nian no marka komprimisiu  hodi hametin liutan jerasaun feto paz no seguransa iha Timor ho nune’e UN Women sei kontinua apoiu Timor Leste iha atividade hotu.

“Parabens ba governu Timor-Leste tanba bele aprova ona PAN FPS faze daruak nian no marka komprimisiu  hodi hametin jerasaun feto paz no seguransa iha nasaun no UN Women sei kontinua apoiu ba implementasaun ne’ebé efetivu ba PAN foun hodi halibur feto sira-nia partisipasaun iha setor hotu iha governu no sosiedade”, Subliña Xefe UN Women.

Entretantu atividade ne’e realiza tanba Timor-Leste halo ona progresu signifikativu hodi promove feto sira-nia partisipasaun no sai lideransa iha papél foti desizaun iha nivel nasional no promove igualdade jeneru iha forsa seguransa nasional nia laran.

Jornalista : Geraldino & Louvino (Estajiadu)

Editor : Media RKDTL