Dili-16/02/2023
Media Defisiensia, Prezidente Repúblika José Ramos Horta
hala’o enkontru ho Alex Tilman ne’ebé segunda feira semana ne’e sei ba hala’o
misaun foun iha Singapura hanesan Embaixadór Timor-Leste.
Iha intervista ba
jornalista sira Embaixadór Timor-Leste Alex
Tilman hatete, hasoru malu ho Presidente Republika hodi hato’o agradese ba
konfiansa ne’ebé fó ona hodi hala’o misaun iha Singapura hodi reprezenta país
Timor-Leste. Liuhusi hasoru malu ne’e hodi rona mós prioridade misaun ne’ebé
hala’o hodi apoiu desenvolvimentu prinsipal entre país Singapura no
Timor-Leste.
“ Misaun ne’ebé simu ho
responsabilidade tamba país Timor-Leste diferente ho país Singapura, país ida
ne’ebé susessu husi nasaun ne’ebé kiak halo transmisaun ba nasaun ne’ebé riku
ho edukasaun as. Servisu ho kooperasaun ne’ebé di’ak hodi hasa’e investimentu
ekonomia husi país avansadu, tamba servisu reprezenta país Timor-Leste hodi
hamorin no kumpri misaun ne’ebé iha”. Tenik Alex Tilman iha palacio presidente
Embaixadór ne’e hatutan,
servisu ne’ebé presiza hala’o no hadia di’ak liutan maka koperasaun entre lina
saude sira iha Singapura hodi simu
tratamentu pasiente husi Timor-Leste. Koperasaun mós ho Universidade saude iha
Singapura atu fo oportunidade ba Timor oan hodi hala’o estudu iha país refere.
“ Ita sei nafatin hala’o misaun ka programa sira
ne’ebé maka Embaixadór tuan sira halo ona iha misaun iha tinan kotuk, hodi
kontinua nafatin esforsu ho país Singapura iha prosesu apoiu audisaun ho membru
sira liu-liu iha kestaun ekonomia. Ita bele aprende tan buat barak husi país
refere hodi hasa’e kualidade infrastrutura país Timor-Leste nian ba
futuru ”. Dehan Embaixadór Alex Tilman
Nia salienta servisu tuir
mandatu no lei konstituisaun hodi tau matan ba sidadaun no trballadór Timor oan
sira ne’ebé iha país Singapura. Normalmente mandatu ba embaixadór sira ho
durasaun tinan 3, tamba ne’e sei hala’o
misaun husi tinan 2024 no sei remata
mandatu iha tinan 2026.
Jornalista :
Anselmo J. M. da Costa Martins
Editór :
RKDTL
0 Comments