TRABALLADORES TIMOR OAN HAMUTUK 71 SEI ARANKA BA SERVISU IHA KOREA SUL

 

Dili-16/02/2024- Media Defisiensia, Governu liu husi Sekretariadu Estadu Formasaun Profisional no Empregu (SEFOPE) asina akordu ho familia husi traballadores hamutuk nain 71 hafoin aranka ba servisu iha Korea do Sul.

Iha intervista Sekretariu Estadu SEFOPE Rogeiro Araujo Mendoça hatete, kada tinan SEFOPE sempre realiza serimonia despedida no asina akordu ho familia husi traballadores sira hafoin sira aranka.

“kada traballadores ne’ebé mak atu destaka ba iha nasaun Australia Korea Japan sefope sempre realiza serimonia despedida ho objetivu hodi fo mensajen no lia menon ba ita nia traballadores sira hodi ba servisu iha ema nia rai hanesan nasaun 3 ne’ebé mak ohin ha’u temi ona atu nune’e sira servisu tuir regras ou tuir lei nasaun nian ne’ebé mak simu ita nia traballadores sira,”  Sekretariu Estadu SEFOPE Rogeiro Araujo Mendoça informa ba Jornalista sira iha Timor Lodge Kumoro Dili.

Nia hatutan, husu ba traballadores sira atu la bele sai husi sistema tanba bele fo impaktu ne’ebé la di’ak ba familia no governu bainhira hetan asidente ruma.

“mensajen parte governu familia no entidades hotu-hotu ninia hakarak katak ita nia traballadores la bele sai husi sistema se ita nia traballadores sira sai husi sistema problema mak bainhira hetan asidente ruma responsabiliza ne’e ohin deklarasaun ita boot isra akompaña kuandu hetan problema ruma asidente ruma ne’e familia mak responsabiliza, agora se mak tuir regras prosedimentu ne’ebé mak estadu rua ne’e estabelese ona se ita hetan  iha problema ruma ne’ebé iha fatin servisu familia sei hetan benefisiu ou faimilia sei hetan Netik buat ruma ne’ebé mak durante sira servisu husik hela ba sira nia familia,” hakotu nia.

Fatin hanesan reprezentante traballadores Vitor Tilman iha nia parte sente orgullu tebes tanba bele ultrapasa ona prosesu lubuk ida ne’ebé durante ne’e nia esforsu.

“primeiru ha’u hanesan ema joven ha’u sente orgullu no preveliziadu bot teb-tebes tanba prosesu lubuk ida ha’u ultrapasa hahú husi topik mai to skill test to ohin finalmente ha’u bele hatais kaos ida ne’e, tanba kaos ida ne’e ema bele hatais iha merkadu sim ema bele hatais, maibé hatais hodi hamrik iha Aroportu ne’e difisil,” tenik nia.

Enkuantu durante ne’e timor oan sira ba servisu iha Korea iha area rua de’it, maibé ba oras ne’e Governu Korea fo  tan oportunidade atu bele priense tan  faze ida ba iha area agrikultor nian.

Jornalista                   : Pascoal Nascimento de jesus

Editor                         : Média RKDTL