Dili-15/02/2024-
Media Defisiensia, Ministeriu Obras Públikas (MOP) liu husi Ministeriu
Planu Investimentu estratejiku (MPIE) realiza seminariu nasional ho tema
“Regras Prosedimentu no Dezenvolvimentu infrasestrutura iha Timor-Leste.
Ministru
Planeamentu investigasaun estratejiku Gastão de Souza hatete, setór
infraestrutura mak fatór importante ida hodi determina dezenvolvimentu
ekonomiku sosiál
“Ita
hotu hatene setór infraestrutura ne’e fatór determinante ba dezenvolvimentu
ekonomíku sosiál iha ita rain, husi fator determinantes ba dezenvolvimentu
ekonomiku sosiál ba ita nia rain, ohin primeiru ministru dehan importante tebes
oinsa ita tenke dezenvolve ita nia infraestrutura ba oin, maibé ita la’os
dezenvolve de’it tenki inklui regras prosedimentu ne’ebé iha rai-laran ne’e ita
konkorda atu la’o ba oin la bele la’o tuir ita nia hakarak tenki la’o tuir buat
ne’ebé lei haruka,” MPIE Gastão de Souza iha salaun auditoriu Ministeriu
Finansas Aitarak Laran Dili.
MPIE
hatutan, projetu hotu tenke iha planeamentu estudu viabilidade ida ne’ebé di’ak,
nune’e bele dezenvolve di’ak liu tan hodi fó benefísiu ba povu, no haree ba
estudu viabilidade sira ne’ebé liu ona la ho kualidade tanba ne’e sei haree atu
governu la bele gasta osan ba programa ne’ebé laiha benefísiu.
“Projetu
hotu-hotu tenki iha estudu viavilidade maibé tenki hatene rai ne’e ita bele
halo estrada iha ne’e ka lae se lae teknologia saida maka ita uza, estudu viavilidade
ne’e importante depois ba iha planeamentu estudu viavilidade planeamentu ne’ebé
di’ak tenki koordena ho mestri ne’ebé di’ak depois ba iha orsamentu iha ka lae,
tanba ne’e ami iha intergradu haree liu ba buat sira ne’ebé akontese hanesan
inundasaun ita seidauk resolve tanba ne’e tenki tur hamutuk fó hanoin ba malu hodi
resolve situasaun sira ita nia povu enfrenta, liuhusi seminariu ne’e atu fó
hanoin ba malu hodi hadia, hau konkorda ho estudu viavilidade laos Timor oan de’it
maka halo maibé sei involve ema ne’ebé iha espesialidade ba nia área hanesan espesialidade
bee no estrada”, Hakotu MPIE.
Enkuantu
tuir nia projetu hirak ne’ebé iha Dili laran at tanba la iha manutensaun, husu
governu atu tau orsamentu ba matunensaun rutina ho periodika kada tinan 5.
Jornalista
:Alexandre
Editor
:Media RKDTL
0 Comments