Dili-21/02/2024-Media
Defisiensia, Asean Socio-Cultural Community no servisu
ho governu Timor-Leste hodi fasilita formasaun ho tema “Asean Travelin Rescource
Persons Programme” ba instituisaun lima hanesan SEFOPE, CCATL, KSTL, IJTL,
INDIMU no Organizasaun Sivil hodi prepara rekursus umanu.
Tuir Pontu Fokal ba ASEAN
Alexandrina Verdial de Sousa Gama hatete ohin sekretariu ASEAN fó formasaun kona-ba
programa “Asean Travelin Rescource Persons” ba instituisaun lima ho komitmentu
hodi apoiu Timor-Leste hodi adere ba ASEAN.
“Ohin formasaun ne’e
fornese husi sekretariadu ASEAN liu husi
programa “Asean Travelin Rescource Persons” tanba sira iha komitmentu atu apoiu Timor-Leste, ita espera ho sira nia apoiu bele sai lalais membru ba ASEAN
hodi ejerse ita nia funsaun ho di’ak wainhira ita sai menbru ASEAN”, Dehan Pontu
Fokal Alexandrina iha Timor-Plaza 21/02.
Iha Fatin hanesan Sekretariu
Estadu Rogério Araújo Mendonça esplika treinamentu ida ohin ho tema “Labour and
employment”, hodi prepara rekuru umanu hodi adere ba ASEAN no koalia kona-ba
servisu laboral nian.
“Ohin fó treinamentu “Labour
and employment” oinsá ita bele hetan informasdaun se ita atu adere ba ASEAN ita
prepara ita nia rekursu umanu ne’ebé mak atu kompete ba iha ASEAN ita nia
formadór sira ne’ebé mak mai hamutuk ho ita durante fó formasaun loron rua sei
fó formasaun ba ita liu liu iha área laboral nian husi parte sefope, CCATL, KSTL,
IJTL no INDIMU ne’e koalia relasiona ho servisu laboral nian se kuandu ita
koalia kona-ba salariu minimu ita mós tenki haree investimentu ne’ebé iha ita
nia rai-laran”, Dehan Sekretariu Estadu.
Entretantu liu husi formasaun
fokus liu ba asuntu laboral no iha material importante kona-ba trabalhadór
imigrante no formasaun profisional liu liu ba dezenvolvimentu iha área saude, seguransa,
servisu fatin no inspeksaun traballu tanba partisipante husi governu rasik no
parte relevante balun ne’ebé durante ne’e mós koalia kona-ba traballadór
migrante.
Jornalista
: Pascoal & Geraldino
Editor
: Media RKDTL
0 Comments