KFP HALA’O ATIVIDADE DIAGNOSTIKA IHA MAP

 

Dili-21/02/2024-Media Defisiensia, Komisaun Funsaun Públik hala’o atividade diagnostika ida ba iha ministeriu agrikultura no peska  hodi haree kona-ba forsa traballu iha ministeriu refere.

Tuir  Komisáriu Responsavél protokolu no Prosesu Disiplinar, Agapito da Conseção hatete atividade diagnostika ida ne’e atu haree forsa traballu no foti dadus iha jestaun administrasaun ba prioridade kuatru mandatu KFP atu haree dejafiu iha ministeriu sira hodi hatoo informasaun ba XI governu.

“Objetivu halo diagnostika ida ba forsa traballu hodi foti dadus sira ne’ebé maka ba gestaun administrasaun publika hodi rekolla informasaun sira ne’e hotu ba prioridade kuatru  mandatu komisaun funsaun publika no segundu dadus sira hodi fó informasaun ba XI governu konstituisional ne’ebé maka liga ba reforma administrasaun publika tanba ne’e ami atu haree lakunas ka dejafiu lubuk iha ministeriu hodi indentifika informasaun ne'ebé klaru, hodi fó informasaun ba XI governu konstituisional”, Dehan Komisariu Agapito iha salaun MAP Comoro, 20/02.

Iha fatin hanesan Diretor Jeral  Servisu Korporativos MAP Rofinos Soares Gusmão dehan agradese ba komisariu KFP ho nia ekipa vizita MAP hodi koalia kona-ba funsionariu públiku no agente sira dadaun ne’e hala’o hela servisu iha ministeriu refere.

“Agradese ba KFP ho komisariu no ekipa tanba bele mai vizita ami nia fatin hodi bele tuur hamutuk koalia kona-ba funsionariu públiku nomos ba agente sira ne’ebé maka agora dadauk hala’o hela servisu iha ministeriu, tanba ne’e ami agradese tebes ho informasaun ne’ebé maka husu ami prontu apoiu oinsa maka prosesu ne’e bele la’o ho di’ak relata rezultadu tuir nia tempu no dadus ne’ebé ami iha kategoria funsionariu rua ida mak agente no ida funsionariu permanente”, Tenik DJ Rofinos

Entretantu dadauk ne’e MAP iha agente hamutuk 379 kategoria husi level ki’ ik  to’o level 5 no 6 no funsionariu permanente hamutuk 645 ida ne’e maka forsa traballu ne’ebé maka eziste iha ministeriu refere hala’o servisu husi nasional too baze.

Jornalista : Geraldino & Louvino (Estajiadu)

Editor : Media RKDTL