Dili-21/02/2024 Media
Defisiensia, sorumutu grupu
traballu reforma husi setór justisa ho Presidente Republika hodi koalia servisu ne’ebé durante ne’e sira
halo ona hamutuk ho ekipa espesialista husi UNDP.
Tuir Eis
Ministra Justisa, Lúcia Maria Brandão Freitas Lobato hanesan koordenadora hatete,
liu husi sorumutu ida ne’e hodi informa ba Presidente da Republika ba servisu
lubuk ida ne’ebé grupu traballu reforma sira halo hodi hadia setor justisa, no
simu mos opiniaun balun husi Presidente Republika hodi hadia di’ak liután
servisu refere.
“Ami kontete hasoru malu ho Presidente da Republika
hodi koalia ona servisu lubuk ida ne’ebé ami sei hala’o no apoiu tebes ba ami
nia atividade. Presidente Republika mós husu tenke servisu lalais, tamba ita nia
setór ne’e presija duni estadu tomak hodi
hadia ita nia setór justisa hodi
fó kondisaun ne’ebé di’ak ba tribunal
hala’o sira nia knar,” Lucia Loubato Dehan ba jornalista sira iha palasiu
Presidensial Bairu-Pite Dili.
Nia hatutan grupu traballu reforma sira sei kontinua
servisu no sei hato’o fila fali resultadu ba Presidente Republika iha fulan
Marsu tinan 2024, nune’e nafatin apoiu ba setór justisa nian iha Timor-Leste.
“Durante hala’o servisu refere sei hala’o mós enkontru
ho Juis no Procuradór sira iha Municipio hodi hare hamutuk servisu ka lala’ok
knar sira ho di’ak. Asuntu hira ne’e hato’o ona ba Presidente
Republika no fó ona apoiu 100% hodi hala’o no sei aselera relatoriu ho
dokumentu ba Presidente Republika iha tempu besik”. Tenik Lucia Loubato iha
Palacio Presidente
Enkuantu Servisu refere
hala’o tarde tamba bazeia ba aprovasaun husi
programa IX governu, se ema hotu-hotu hakarak garante justisa ne’ebé mak
di’ak presija servisu hamutuk ho governu hodi hadia insfrastrutura justisa iha
rai laran.
Jornalista
: Anselmo
Editor : Média RKDTL
0 Comments