Dili-26/02/2024- Media Defisiensia, Akontsementu
dezastre naturais iha teritoiu Timor laran tomak durante semana ida ne'e
Autoridade Protesaun Sivil Registu vitima lakon vida ida no uma kain atus ida
rua-nulu resin lima (125) mak hetan estragus husi dezastre naturais no ekipa
APC evakua kedas vitima sira ba fatin ne'ebe seguru.
Iha
konferensia imprensa Xefe Seksaun Relasaun no Externa-Grek APC Nelson Nunes de
Orleans Informa, durante akontsementu dezastre naturais Iha teritoriu Timor laran
tomak APC registu uma ka’in hamutuk 125 husi Munisipiu 6 no
vitima ida lakon vida no vitima hirak ne'e hetan ona apoiu emergensia
husi APC.
"Durante
semanal ne’e ita sempre hato'o relatoriu semanal durante dezastre ne'ebe
akontese iha teritoriu Timor laran tomak hahu husi loron 20-26 fulan Fevereiru
tinan 2024, husi Autoridade Protesaun Sivil registu uma kain 125 mak hetan
estragus no mate ida", Dehan Nelson Nunes Iha Sala Konferensia APC
Kaikoli Dili, 26/02.
Xefe
ne'e hatutan, Munisipiu sira ne'ebé hetan estragus iha 6 no tipu dezastre
iha 4 Anin boot, ahi han uma, rai halai no bee sae.
"Munisipiu
Aileu anin sobu uma-ka’in ida, Baucau anin sobu uma kain sanulu resin rua,
Covalima ahi han uma kain ida, Ermera anin sobu uma-ka’in tolu no Rai halai
sobu uma ida, Viqueque anin sobu uma-ka’in lima, inklui Regiaun Espesial Oekuse
Anbeno bee sae estraga uma-ka’in atus ida rua no lakon vida ida,"
Tenik Nunes.
Entertantu
hahu husi Janeiro too mai Fulan Fevereiru ne'e APC registu vitima dezastre
naturais hamutuk 1.000 Mil i Tall.
Jornalista : Pascoal Nascimento de Jesus
Editor : Média RKDTL
0 Comments