Ministro
Justisa Sergio Hornai hatete, liu husi enkontru ida ne’e hodi hato’o servisu sira linas Ministeriais justisa no
tribunal sira hala’o ona no simu mós apoiu no hanoin husi Presidente Republika
oinsá atu hadia setor importante sira iha área judisiariu no tribunais nian.
“
Servisu hamutuk ho governu hodi integra situasaun politika justisa iha rai-laran
nune’e haree mós planu estratejika sira liuliu ba iha tinan 2021 to’o 2030
servisu sira ne’e hala’o nia desenvolvimentu
no progresu to’o ona ne’ebé no oinsá ona. Haree mós servisu delegasaun kompetensia Municipio hodi lori
justisa hakbesik ba iha povu”, Tenik Ministro Justisa iha Palasio Presidente
23/02.
Ministro
ne’e hatutan, sei hadia servisu justisa nian ho kualidade patriotismu no
nasionalismu ba prestasaun ho kualidade hodi hatan ba povu nia problema tuir
direitu lia los no justisa.
Iha
fatin hanesan Prokuradór Jeral Republika Afonso Lopes hatete, iha enkontru ne’e
husi prokuradór hato’o ba Presidente Republika ba edifisiu sira ne’ebé hatur
ona iha kapital Dili nomós Municipio sira atu fó atendementu, problema ruma atu
labele to’o iha base ka sentru maibé
bele halo atendementu iha fatin sira ne’e liuliu ba sira ne’ebé hela iha área
remotas.
“Lia
hirak ne’e hato’o liu husi enkontru tanba mosu preokupasaun barak husi ema hotu
nia hanoin oinsá atu hadia lei prestasaun prosesu adultu ne’ebé komultasaun
pena nian foti desizaun tarde tuir konstituisaun haruka. Presidente Republika
hein katak, iha futuru kazu hotu-hotu ne’ebé relasiona ho kestaun konstituisaun
presiza hadia atu labele aumenta kazu ka fó terus ba povu sai vitima ba
justisa”, Dehan Prokuradór depois de enkontru.
Prokuradór
ne’e salienta, presiza kolabora no
servisu hamutuk ho governu no instituisaun justisa sira hodi halo prosedimentu
prosesu ba kazu sira tuir konstituisaun lei foti desizaun ne’ebé seriedade
labele fó duvida ba ema hotu justisa ita mak kria, maibé regula tuir lei sira
konsagra ona iha konstituisaun.
Jornalista : Anselmo
Editor : RKDTL
0 Comments