Dili-26/02/2024 Media Defisiensia, Uniaun Defisiensia Matan Timor-Leste fasilita
formasaun letra brille ba Ema ho Defisiensia Matan hodi aumenta koñesimentu
hodi konkore iha atividade no eskola ensinu rekorente.
Tuir Diretor UDMTL Jacinto Perreira hatete, organizasaun
defisiensia ida ne’e fasilita formasaun letra brille ho gratuita ba maluk
defisiensia matan sira nune’e bele koñese letra hodi kompete iha atividade sira
iha tempu tuir mai.
“Ami nia formadór no partisipante sira iha vontade atu
hanorin no aprende hamutuk maske formadór
sira durante ne’e hanorin ho voluntariu
laiha finanseiru hodi bele selu sira ho objetivu husi ami nia fasilita
formasaun nune’e bele hodi sira ba aprende iha ensinu rekorende no bele prepara
mós sira ba iha atividade eleisaun sira ne’ebé mak tuir mai bele rekomenda mós maluk defisiensia
matan sira bele partisipa”, Dehan
Diretor UDMTL iha knar fatin Becora 26/02.
Liu husi sentru UDMTL ne’ebé fasilita formasaun letra
brille aumenta ona kapasidade no koñesimentu maluk defisiensia matan hamutuk 30
no nain 6 konsege hala’o ona sira nia estudu iha Universidade UNTL no nain 6
iha ensinu rekorente.
Iha fatin hanesan formadór UDMTL Norbertu Bareto Siqueira
esplika, la fasil sai formadór bainhira la ho maneira pasiensia no vontade hodi
bele fasilita maluk defisiensia matan sira atu bele komprende uza letra brille.
“Formatu ba estudante formasaun sira liu husi prosesu
brille text hafoin ba klass B no C, tanba ne’e maluk estudante balun difisil
atu komprende no hakerek ho lalais letra brille tanba sei hanoin liafuan no
balun komprende letra brille no hakerek lalais dala balu sira balun aprende too
fulan haat sira ne’e hafoin komprende hakerek letra brille no dadaun ne’e sira
nai’in 8 mak aprende ona brille text”, Informa Formandu Letra brille Norberto
iha sala UDMTL Becora, 26/02.
Entretantu iha fatin hanesan formandu UDMTL Lurdes
Soares Ximenes Pinto akresenta sente kontete bainhira aprende letra brille hahu
husi baziku to’o intermediu, maibé difikuldade barak mak sira hasoru iha
hakerek letra brille presiza han tempu.
“Ami kontete loos bainhira aprende letra brille hahu
husi baziku too mai intermediu ami hasoru difikuldade barak iha hakerek letra
brille presiza han tempu ami aprende iha klas A aprende kona-ba rumus durante
fulan rua, klas B kona-ba brille text no klas C aprende hakerek fraze no forma
fraze”, Tenik Formandu.
Mensajen, husu ba inan no aman sira labele subar oan
defisiensia sira iha uma tenke husik sira livre hodi tuir atividade oin-oin no
asesu ba edukasaun formal no noun formal sira.
Jornalista
: Geraldino & Louvino (Estajiadu)
Editor:
Media RKDTL
0 Comments