Dili-
17/01/2023- Media Defisiensia, Reprezentante juventude partidu FRETILIN husu ba
Primeiru Ministru h o nia membru governu tomak liu-liu Ministeriu Saude atu tau
seriu ba problema aimoruk ne’ebé la iha hodi fo impaktu ba povu nia vida.
Tuir
portavoz Juvelino A.A. Fernandes hatete, husu PM ho membru governu liu-liu MS
atu la bele halimar ho povu nia vida.
“ami
husi juventude Fretilin atu husu ba Primeiru Ministru ho membrus governu
hotu-hotu liu-liu Ministra Saude atu la bele halimar ho povu nia destinu,
destinu sim, ema hotu sei mate maibé la bele mate tanba la iha aimoruk,” dehan
portavoz ne’e iha sede Fretilin.
Liu
husi problema ne’e sira konsidera MS la iha kapasidade jestaun no ikus mai
hamosu krize saude ba povu tomak no oho neneik povu tanba la iha aimoruk tan
de’it inkapasidade jestaun husi ministra saude rasik.
Enkuantu
sira husu IX atu foti medidas urjente hodi bele resolve lalais ba problema
refere.
Jornalista : Alexandre
Editor
: Media RKDTL
0 Comments