ADTL HUSU GOVERNO DA IX BUKA SOLUSAUN BA KAZU PSIKO-SOSIAL IHA KAPITAL DILI

 

Dili-16/01/2024-Média Defisiensia, Asosiasaun Defisiensia Timor-Leste husu governu buka solusaun imediata ba kazu psiko-sosial iha kapital dili hodi relasiona ho problema saude mental akontese no publika iha media ema hotu akompaña direta no indireta iha fulan Janeiru tinan 2024.

Tuir porta-voz ADTL Nelson da Silva hatete problema ne’ebé akontese mak hanesan ema ho problema psiko-sosial harahun vidro, harahun sidadaun ida nia kareta no maluk defisiensia psiko-sosial hetan ta iha parte kakorok.

“Kazu hirak ne'e mak hanesan iha oron 1 Janeiro 2024 akontese ema ho problema Psiko-sosial ida harahun vidro postu seguransa Embaxada Japaun nian no kontinuasaun ho ema hanesan iha loron 7 Janeiro 2024 harahun tan sidadaun nia kareta iha lgreja Aimutin, sidadaun ho naran  Agostinho Soares tinan barak ona ho kondisaun defisiensia Psiko-sosial hetan ta iha parte kakorok ho kanek grave husi ema deskoinesidu”, Dehan Portavoz Nelson iha salaun ADTL Tersa ne’e.

Porta voz salienta tan situasaun ne’e observa katak ema ho defisiensia psiko-sosial barak mak abandona iha kaptital Dili sempre aumenta kauzalidade oin-oin laiha fatin atendimentu no la iha ekipa ida husi Governu liliu Ministeriu Saude no Solidaridade hodi halo intervensaun imediata ba kazu hirak ne’e.

“Ami observasaun ema ho defisiensia Psiko-sosial barak mak abandona no la hetan atendimentu ba sira nia saude, nune’e nurneru ema ho defisiensia Psiko-sosial kontinua aumenta kada fulan ho kauzalidade oin-oin, fatin acute care iha HNGV limitadu atu halo atendimentu ba ema ho problema saude mental, aktu goja sira husi komuidade ba ema ho problema saude mental kontinua buras iha sosiedade nia let”, Tenik Porta voz ADTL

Entretantu governu liu-husi Ministeriu Saude no Ministeriu Solidaridade Sosial no Inkluzaun husu atu kontinua habo'ot servisu atendimentu emerjensia ba problerna saude mental liu-husi hamosu  espasu ba atendimentu iha postu saude Dili laran iha HNGV la sufisiente, lalais kria fatin atendimentu ba ema ho problema saude mental.

Rekomenda ba entidade publiku hotu favor eduka ita nia a'an no ita nia sosiedade atu labele halo trose, goja, stigma, baku no tuda ema defisinesia psiko-sosial iha dalan ninin, problema saude mental hirus agresivu liu tan hodi responde fali ho asaun violentu ba ema seluk ne'ebé inosente husu governu la halo intervensaun ho lais no seriu bele hamosu tan kazu foun iha kapital Dili tanba numeru moras mental kontinua aumenta.

Jornalista: Geraldino & Alexandre

Editor : Media RKDTL