Dili-18/01/2024-Media
Defisiensia, traballador timor oan hamutuk 85 feto 19 no mane 66 sei ba servisu
iha Australia tuir área ne’ebé sira hili nune’e traballadór sira bele servisu
ho di’ak durante sira nia kontratu kompaña.
Tuir Diretor Jeral Formasaun
Profisional no Empregu Carlito do Rosario Cabral hatete ohin ita halo despedida
ba traballadór hamutuk 85 sei ba servisu iha Australia tanba ne’e ohin
traballador foun 45 no sira ne’ebé ba ona kontinua ba 40 sira ne’e hotu sei ba
servisu iha area agrikultura nian.
“Objetivu ohin loron ita
halo despedida ba traballadór sira 85 atu ba servisu iha Australia sira
traballadór foun hamutuk 45 no sira ne’ebé ba ona hamutuk 40, traballador sira
ne’e ba servisu hotu iha area agrikultura nian
feto 19 no mane 66 ”, Dehan DJ
Carlito iha Salaun SEFOPE Quinta.
Entretantu husu ba maluk
traballadór sira labele koko atu ses husi sistema no halo problema se ita sai
mak prejudika ba ita nia aan no ba programa ne’e rasik no taka dalan ba kandidatu
traballadór sira ne’ebé prepara hela sira aan atu ba no husu traballadór sira
tenke kumpri deklarasaun ne’ebé lee no asina ho inan aman sira inklui SEFOPE mós
asina hanesan testemuña ba traballadór sira.
Iha fatin hanesan
traballadór Aguida da Costa Freitas dehan agradese ba SEFOPE no kompaña bele fó
fiar ba sira hodi ba servisu iha Australia hodi ajuda familia sira.
“Ami agradese ba SEFOPE
no kompaña Australia bele fó oportunidade ba sira hodi ba servisu no ami prontu
halo tuir saida mak ami promesa ona iha deklarasaun juramentu ne’e”, dehan
Aguida
Rekomenda ba parte SEFOPE
karik tempu tuir mai traballadór sira hakarak hadia tan oportunidade ne’ebé mak
sira hetan ona dala ruma programa ne’ebé sira hetan balun difikulta sira iha
servisu fatin tanba ne’e sira husu parte relevante sira presisa hadia.
Jornalista : Pascoal no
Geraldino
Editór : Media RKDTL
0 Comments