Dili-15/01/2024-Média
Defisiensia, formandu lia jestual husi Klibur Defisiensia Tilun Timor-Leste (KDT-TL)
hamutu 14 liu ona faze identifikasaun hodi ba aprende iha ensinu rekorente kona-ba lian jestual, nune’e sira bele
aumenta sira nia abilidade iha área edukasaun nian.
Tuir representante
diretora KDT-TL Deonizia Paula de Deus nu’udar tradutora lian Jestual hatete, formandu
sira prontu ona atu ba aprende iha ensinu rekorente hodi aumenta sira nia
abilidade tanba sira molok ba aprende iha ne’eba sira hetan ona formasaun iha KDTTL
rasik hafoin halo selesaun liu maka bele ba kontinua eskola.
“Ami hanorin lian
jestual ba estudante sira bainhira sira hatene ona lian no kontinua hanorin
material balun hanesan matematika, siensia naturais hanorin ona baziku ba sira
depois hali teste sira liu bele ba eskola iha ensinu rekorente”, dehan
tradutora Deonizia iha KDT-TL Matadoru 12/01.
Tradutora lian jestual salient tan, kriteria atu asesu
ba ensinu rekorente la haree ba kondisaun fisiku ema hotu iha direitu bele
asesu ba ensinu rekorente.
“Kriteria atu asesu ba ensinu rekorente la haree ba
kondisaun fisiku defisiensia, la defisiensia bele asesu hotu no maluk sira
ne’ebé durante ne’e la asesu ba edukasaun mós bele ba eskola iha ensinu
rekorente tanba iha tinan ne’e KDTTL prepara maluk defisiensia tilun hamutuk
na’in 14 na’in asesu ba ensinu rekorente na’in lima faze 4 no 9 faze sinku”,
Tenik Tradutora.
Rekomenda ba ministeiru relevante sira liuliu
ministeiru edukasaun sebele tau mós atensaun ba estudante defisiensia tilun
sira ne’ebé aprende iha universidade tenke tau tradutór/a balu nune’e bele
apoiu hodi fasilita lian jestual ba estudante defisiensia tilun sira iha
universidade públiku no privadu sira.
Jornalista:
Geraldino & Alexandre
Editor:
Media RKDTL
0 Comments