MDVF REALIZA KONFERENSIA NASIONAL HODI MINIMIZA DESKRIMINASAUN IHA SOSIEDADE NIA LEET BA EHD

 

Dili-29/11/2023-Média Defisiensia, Movimentu Defisiensia Vizaun Foun (MDVF), realiza atividade konferensia nasional hodi hasai ema ho defisiensia sira husi mukit laran no movimentu ne’e bele eziste hodi minimiza diskriminasaun ba ema ho defisiensia iha sosiedade nia leet nune’e bele kontribui ba prosesu dezenvolvimentu Timor-Leste.

Tuir presidente MDVF Gaspar Afonso hatete movimentu ne’e mosu la’os iha tempu eleisaun de’it maibé nafatin eziste hodi hatudu ba sosiedade katak nafatin eziste iha sosiedade, tanba ema ho defisiensia sei nafatin terus no enfrenta situsasaun diskriminasaun iha sosiedade nia leet, movimentu ne’e mosu hodi fanu ukun na’in sira atu labele haluha saida mak hatoo ona iha tempu eleisaun tanba programa balun la responde ba ema ho defisiensia nia hakarak.  

“Movimentu laos mosu iha tempu eleisaun de’it maibe, ita hakarak hatudu ba sociedade katak ita nafatin eziste tanba ita ninia luta ne’e sedauk atinji objetivu ne’ebé máximu ita ema ho defisensia nafatin moris iha terus no susar nia laran no ita sei enfrenta situasaun diskriminasaun iha soseidade nia leet ita nafatin fanu ita nia ukun nain sira atu labele haluha saida mak sira dehan ba ita iha tempu eleisaun ita nafatin fó hanoin hodi buka nia solusaun, tanba ne’e atu hateten ba governu katak programa IX iha pajina 36 ne’e sedauk responde ho totalmente ami ema ho defisensia nia hakarak ”, dehan Gaspar 18/11/2023.

Iha fatin hanesan partisipante Alfredo dos Santos hatete sira hakarak movimentu MDVF tenke leganija sira nia estatutu hodi garante dokumentu esensial ba movimentu rasik nune’e movimentu ne’e bele eziste ho legal laos illegal la’os eleisaun de’it mak movimentu ne’e eziste maibé tenke kontinusaun la’o ba oin hodi hasai ema ho defisiensia husi diskriminasaun sira iha sosiedade nia leet.

“Ami hakarak legaliza ami nia estatutu hodi bele garante sai hanesan dokumentu esénsial ida ba ami nia movimentu,  nune’e ami la’os hein de’it votasaun mak foin eziste, maibé ami hakarak  eziste ho legal laos illegal ba oin ema bele hatene katak movimentu MDVF ne’e eziste to’o nia rohan, ida ne’e mak ami nia deseju”, Dehan partisipante.

Entretantu konferensia nasional ne’e kolia kona-ba primeiru programa ne’ebé apresenta ona barak liu mak kona-ba medikal la’os ba sosial, tanba programa politika nasional ema ho defisensia no implementasaun konviksaun ba ema ho defisensia sedauk hola parte inklui la tau orsamentu sensível atu bele fó apoiu, tanba ne’e resultadu husi konferensia ne’e sei hamosu resolusaun ida hodi entrega ba parte relevante sira.

Jornalista: Geraldino & Eufrosina

Editór: Média RKDTL.