Dili-01/12/2023-Media
Defisiensia, MSSI ho ADTL no Organizasaun Defisiensia sira hotu halo
Abertura ba selebrasaun Loron mundial ba EhD ne’ebe sei hala’o iha loron 3 de
Dezembro de 2023.
Iha Intervista ba jornalista sira Diretór
Ezekutivu ADTL Cesario da Silva hatete, husi abertura refere hodi halo
inklusivu ba ema hotu atu bele partisipa iha Loron mundial ida ne’e hodi
akumula defisiensia husi Municipio hotu.
“Tinan
tinan ami selebra loron mundial ba ema ho defisiensia hamutuk ho maluk
defisiensia sira iha Municipio maibé tinan ida ne’e ami hakarak selebra iha
kapital Dili nune’e bele hetan partisipa mós husi parte governu sira. Husi
abertura refere hodi loke feira ba promove produtu ema ho defisiensia nian
durante loron tolu.,” dehan Diretór iha fatin CCD sexta 1/12/2023
Diretór
ne’e rekomenda ba parte governu sira atu sura mos ema ho defisiensia ba
inklusaun ne’ebé di’ak iha Timor-Leste nune’e labele husi sira iha kotuk, tamba
ne’e hala’o politika sira tenke ho asaun labele hala’o de’it iha papél maibé
sem implementa.
Primeiru
Ministro Kairala Xanana Gusmão iha diskursu ba abertura loron mundial ba EhD hato’o
parabens ba EhD maske loron refere seidauk too maibé apresia ho kontete ba sira
ne’ebé husi Municipio to’o mai Dili hodi bele selebra loron refere.
“Husu
ba maluk defisiensia sira hotu atu nafatin promove imi nia talentu nune’e bele
hetan inkluzaun iha sosiedade,” hatete PM iha salaun CCD
Primeiru
Ministro ne’e hato’o mensajem ba ema ho defisiensia sira hotu atu dezenvolve
sira nia aan husi kapasidade no talentu ne’ebé iha hodi kontribui ba moris
maske naton maibé bebeik nune’e bele halo mudansa la hare ba kondisaun ne’ebé
iha.
Iha
fatin hanesan Ministra Solidariedade Sosial no Inluzaun hatete nafatin hala’o
planu no apoiu ba ema ho defisiensia sira iha parte orsamentu estadu nian.
“Iha
programa sira ami nafatin apoiu ba infrastrutura fundus orsamentu, material ba
atividade sira no eskola. Husi MSSI sei kolabora nafatin ho asosiasaun no
organizasaun defisiensia sira hotu hodi apoiu mos ba sira nia kreatividade
promove di’ak liu tan,” tenik Ministra
ba jornalista sira.
Entretantu
selebrasaun loron mundial ba ema ho defisiensia sira sei hala’o iha loron 3
fulan dezembro abertura ida ne’e hodi loke feira ba loron refere. Hetan
partisipasaun masimu husi defisiensia sira hotu husi 13 Municipio.
Jornalista: Jeraldino P. Magno & Efifania dos Santos
Editor: Media RKDTL
0 Comments