SEFOPE DISTRIBUI SERTIFIKADU BA ESTAJIADU PROFISIONAL NAIN 57

 

Dili-29/11/2023-Media Defisiensia, Sekretariu Estadu Formasaun Profisional Emprego (SEFOPE) distribui Sertifikadu ba Estajiadu Profesional nain lima nulu resin hitu ne’ebe hala’o Estajiu Profisional durante fulan neen ho area ne’ebe lahanesan.

Iha intervista ba Jornalista sira Diretor Jeral servisu Koperativu SEFOPE Nelson Soares Carvalho hatete SEFOPE halo distribuisaun Sertifikadu ba Estajiadu Profisional sira hodi responsabilidade ba sertifikadu ne’ebe sira hetan nune’e nafatin kontinua ba programa ne’ebe SEFOPE kria iha planu asaun tinan 2024

"Distribuisaun sertifikadu ne’ebé mak alin sira tun ba estajiu aktividade ne’ebe mak sira fornese  husi Estajiado sertifikadu ne’ebé sira hetan fiar katak husi sertifikadu sira hetan bele toma responsablidade ba sertifikadu ne’ebé sira hetan sira mos mensiona katak atu kontinua programa ne’ebé mak agora dau-daun SEFOPE kria, ita iha plano asaun iha 2024 nafatin iha atividade tuir ejizensia ne’ebé mak joven sira iha ba oin ne’e nafatin oferese ba estudante sira ita nia joventude timor oan sira ne’ebé mak sira persiza hakarak tuir estajiu ida ne’ebé mak ofrese, ida ne’e mos envolvementu husi ita nia maluk ema ho Defisiénsia sira iha ita nia plano asaun anual envolvementu ho maluk sira ne’ebé mak ho defisiénte ita iha 10% husi total ne’ebé mak estajiadu sira ne’ebé mak kompete” dehan Diretor Jeral servisu Koperativu SEFOPE Nelson Soares Carvalho iha Salaun SEFOPE

Nia hatutan Total Estajiadu hamutuk lima nulu resin hitu ne’ebe hatama relatoriu ba Formasaun Nasional iha area Administrasaun Finanansas Agrikultura no mos iha area Otelaria no seluk tan.

Reprezentante Estajiadu Profisional SEFOPE Amelia Freitas Ximenes hato’o agradesementu ba SEFOPE tanba bele loke ona Oportunidade ba sira hodi hala’o sira nia servisu no hetan esperensia ne’ebe barak iha fatin ne’ebe sira hala’o Estajiadu.

“Nudar joven ida hau agradese tebes tanba SEFOPE bele loke ona oportunidade ida ne’e mai ami, ami mo’os hala’o ona ami nia servisu iha fatin ou lokasi iha servisu ne’ebá no ami mo’os hetan esperensia barak husi fatin ami estajiu ba, hau nia lifuan ikus lahaluha husu agradese ba SEFOPE no mo’os ba entidades promotora sira hotu ne’ebé mak fo apoiu mai ami” dehan Reprezentante Estajiadu Profisional Amelia Freitas Ximenes.

Nune’e mos nia husu ba Parte Governu liu husi SEFOPE nafatin loke servisu hodi kontribui ba Nasaun Timor-Leste duke kontribui ba Nasaun Seluk.

“Nu’udar hau joven rekomenda ba Governo liu liu ba SEFOPE tenke loke kampo trabalho ba ita nia rain rasik tanba    buat ne’ebé mak ita bele hetan hodi halo kontribuisaun ba ita nia rain rasik duke ita halo kontribuisaun ba rai liur ne’ebá” hakotu Amelia 23/11/2023.

Jornalista: Anselmo J.M.da Costa Martins

Editor: Media RKDTL