Dili-26/10/2023-Média
Defisiensia Australia Awards Alumni Research Showcase (AAARS), apresenta
rezultadu Programa peskiza kona-ba situasaun ekonomia atu haree liu ba mudansa
kiak, ladun kiak no la kiak iha munisipiu tolu hodi defini nia pursentu husi situsaun
ekonomia kada loron lia hirak ne’e hato’o husi AAARS peskizador Matias Soares.
"Programa
ne’e asosiasaun alumi husi Australia halo peskiza kona-ba situsaun ekonomia no
hetan rezultadu ne’ebé diak sira sempre kria eventu sira hodi apresenta
rezultadu durante halo peskiza iha fulan Maio to’o 2023 iha munisipiu tolu
hanesan Baucau aldeia Caihula no Saraida, Ainaro iha aldeia Raebutiudu no
Manufahi aldeia Loro no Bemetan hafoin apresenta ba públiku hodi bele hatene
nia pursentu ne’ebé hetan husi peskiza”, Dehan Peskizadór Matias.
Nia
salienta peskiza hola parte iha projetu ida ne’ebé sei implementa ba futuru
iha munisipiu balu hodi realiza programa
agrikultura, husi parte Australia rona lai rezultadu peskiza husi asosiasaun
alumi Australia apresenta molok impleta programa iha baze no iha peskiza hatudu
katak aldeia balu konsege halo mudansa ba sira nia aan.
“Peskiza
ne’e hola parte iha projetu boot ida ne’ebé sei implementa ba iha munisipiu
sira ne’ebé sei hetan apoiu husi governu Australia DFAK Asean nia programa
peskiza ne’e sei realiza tempu tuir mai kona-ba agrikultura husi parte
Australia nian hakarak rona rezultadu hodi halo planu diak molok implementa
programa, peskiza ne’e hatudu katak iha aldeia balu uluk kiiak maibé agora konsege
halo mudansa husi situasaun kiiak ba iha la kiak tanba hetan redimentu husi
agrikultura hanesan faan modo no animal sira hetan redimentu ne’e mai husi
fatin lubuk ida”, Tenik Peskizadór.
Iha
fatin hanesan Agustino do Rego hatete sira sente apresia ba peskizadór sira
tanba bele buka hatene familia sira ne’ebé moris diak maibé menus ekonomia
liuhusi peskiza ne’e hodi hatene mós sasukat ema ida-idak nia moris ho
situasaun ekonomia iha timor no apresentasaun peskiza ne’e iha vantajen ba sira
atu bele implementa iha futuru.
“Hau
nia haree apresentasaun peskiza ne’e
koalia kona-ba familia kiak ne’ebé mak
halo peskiza iha munisipiu Ainaro, Same no Baucau ne’e hatudu katak familia balu ne’ebé mak kiak sasan iha balu
kiak maibé oan ba eskola ida ne’e hanesan peskiza ida hodi hatene sasukat Timor
oan ne’e kategoria ba vida ne’e oinsa no vantajen husi apresentasaun ba ami kapas
tebes ho formatu ne’ebé di’ak no sai referensia
ba ami hodi bele halo peskiza iha tereñu”, dehan Agustino.
Entretantu
rekomenda ba peskizadór sira katak bele lao hamutuk ho ministeriu ka Governo
balu, hodi haree komunidade sira ho kondisaun ne’ebé hasoru hela situasaun
ekonomia atu bele tau matan ba sira.
Jornalista:
Geraldino Magno no Efifania Santos
Media:
RKDTL
0 Comments