Dili 09/11/2023-Media Defisiensia,
Ministeriu saúde no reprezentante país UNICEF Timor-Leste iha okaziaun lansamentu
programa prevensaun covid-19 nian ba da-haat husi USAID nian.
Iha intervista ba jornalista sira Vice Ministro Saúde
José dos Reis Magno hatete, aktividade ohin hanesan kontinuasaun husi projetu
ka programa kona-ba covid-19 ne’ebé hakat ba fase dahaat nian nebé maka husi USAID no apoiu
rekursu
liu husi UNICEF.
“Agora ita hatene katak virus covid-19 agora la iha,
maibe hanesan Estadu, hanesan mos Governo ita presija mantén nafatin situasaun
ne’ebé maka di’ak. Tan ne’e, intervenções xave importante ba programa ohin nian
maka, oinsa atu haré ba riskus de comunicação, e depois bele encoraja
comunidade sira atu mantém nafatin situasaun hodi hakbesik a’an ba iha fasilidade saúde sira hodi
minimiza pandemia refere”. Dehan vice Ministero saúde
Nia hatutan,
iha fase dahaat , iha fase primeiro ita hetan orsamentu $500.000 mil, fase daruak iha 2021 no 2022 hetan orsamentu $1.5 milhão e depois 2022, 2023 ne’e $900.000
mil e 2023 t’o 2024 hetan $1.35 milhão, orsamentu hira ne’e hodi hola
ekipamentus bai ha mediku sira.
“Programa ida ne’e sei kobre ba Município hotu iha
Timor laran tomak, tamba ita hetan apoiu husi Agência UNICEF, Agência Nações
Unidas, WHO, UNDP ne’ebé fó apoiu tekniku ba hospital sira iha Timor-Leste.
Liuhusi parseriu entre Ministeriu Saúde, USAID no UNICEF hodi mobiliza
komunitária fornesimentu sasan salva-vida, instalasaun bee, saneamentu no
ijiene iha faze oin-oin no faze datolu sei remata iha fulan dezembru 2023”.
Enkuantu Liuhusi programa sira ne’e hodi halo parseria
di’ak liután ho kompaña nasional sira katak saúde ne’e importante tebes, nune’e
tenke kolabora di’ak liután ho parseriu sira.
Jornalista: Anselmo da. C. Martins, (Ftr. Adriano Gapo no Ftr. Adelino
Salsinha Estajiado)
Media: RKDTL
0 Comments